صبري فواز يروي تفاصيل "علقة" مراته بسبب فتاة.. وخلافه مع فاروق حسني
الفنان صبري فواز
روى الفنان صبري فواز واقعة خلافه مع زوجته بسبب مشاهدته لها مع معجبة في أحد المطاعم قائلا: "لما ببقى في مكان عام الناس لازم تبص عليا طبيعي لأني فنان معروف، ولكن في موقف مع بنت في مطعم مميز لما مراتي غارت من نظرات البنت والبنت قالتلها إيه يا مدام ده فنان وبتاعنا كلنا مراتي سكتت وأنا اتكسفت ولما روحت البيت عملت معايا زي الطبيعي علقة وعدت".
وأضاف فواز خلال حواره مع المخرجة إيناس الدغيدي، ببرنامج "شيخ الحارة والجريئة"، المذاع على شاشة "القاهرة والناس"، أنه كان لديه مشكلات دائمة بالمسرح، ودائما المسرحيات التي يشارك بها تنتهي نهايات مأسوية، "في يوم لقيت كل الناس واقفة بدون أسباب واضحة، وكانوا بيتحججوا بأسباب شكل وكنت كاتب في المسرحية إن المسرحية تطبيقا لفكرة إن الأزمة مش أزمة إبداع والمشكلة مش إبداع زي مابيقول الوزير دي أزمة إدارة وحولوني للتحقيق وقفلوا المسرحية والسيد فاروق حسني كان دايما يقول إنه يوجد أزمة إبداع ولكن الحقيقي هي أنها أزمة إدارة، والدليل على ذلك أن المسرحية كانت تكلفتها 300 جنيه وعملت نجاح مش طبيعي وقفلوها مرة واحدة".
وأكد فواز أنه لم يستفد من ثورة يناير على الإطلاق ولم يخسر منها.