كورونا يضرب موسم اللحمة.. تقليل أسعار الذبح لتشجيع المُضحين
كورونا يضرب موسم اللحمة.. تقليل أسعار الذبح لتشجيع المُضحين
موسم عيد الأضحى الذى ينتظره الجزارون من العام للعام، يأتى هذا العام محملاً بآثار أزمة كورونا، التى ما زالت تلقى بظلالها على كل الأسواق، وتحديداً على سوق الأضاحى التى تترنح بين إقبال ضعيف على شراء اللحوم وأضعف على طلبات الذبح، ما دفع بعض الجزارين إلى محاولة إنقاذ الموسم بتخفيض أسعار الذبح لتحقيق مكسب ولتقليل العبء عن المُضحين.
أشرف حامد، صاحب محل جزارة فى منطقة عين شمس، بعد الإقبال الضعيف على أضحية العيد وزيادة سعر الماشية، قام بتخفيض سعر ذبح الأضاحى، لتشجيع الزبائن وحثهم على الإقبال: "باستنى موسم عيد الأضحى من السنة للسنة لأن ده الموسم اللى بكسب فيه، أنا مُصر أشتغل عشان ماينفعش أضيع موسم زى ده من غير ما أدبح، وعندى عمالة بتسترزق وبيوت مفتوحة من موسم الأضاحى، عشان كده خفّضت سعر الذبح نحو 500 جنيه و1000 جنيه فى بعض الحالات، عشان أشجع الناس وأخليهم يضحوا".
ولجأ "حامد" إلى توزيع الذبح على أيام العيد، وإعطاء الزبائن مواعيد معينة للذبح، لتقليل التجمعات وتخفيف الضغط عن أول يوم، وطمأنة الزبائن أن الذبح مقنن بإجراءات معينة.
الظروف المادية للعديد من المواطنين جعلت عبدالرحمن أحمد، جزار من روض الفرج، يقوم بعمل تخفيض على سعر الذبح، لتقليل العبء عن الزبون: "العيد جاى فى الأزمة، وكويس إن فيه ناس هتضحى السنة دى، فلازم أحط فى اعتبارى الظروف المادية للناس، بعيد عن إنه جايب أضحية أو مش هيختلف على الفلوس، بس لازم أرأف بالزبون، وفى نفس الوقت أحقق المكسب ليا، يعنى ماجيش عليا ولا على الزبون".
بالرغم من ارتفاع سعر الماشية وإغلاق الأسواق، فإن الإقبال لدى "عبدالرحمن" زائد بشكل ملحوظ: "معظم الناس اللى كانت هتطلع تحج وماطلعتش بتضحى بالفلوس اللى كانت هتحج بيها، عشان ياخدوا الثواب، مش هيبقى لا حج ولا أضحية".
العام الماضى، كانت الحجوزات لدى إيهاب السيد، جزار من طنطا، كثيرة، بعكس هذا العام، فالعديد من المُضحين امتنعوا عن الأضحية، بسبب الظروف المادية الصعبة، فكان السبيل لتخفيض السعر؛ للخروج من موسم الأضاحى محققاً المكسب المناسب: "دلوقتى كل الناس بتقولك مش هنضحى السنة دى، واللى كان بيجيب عجلين هيجيب واحد، فالإقبال القليل خلانى أخفّض السعر عشان نحقق المكسب، وبرضو عشان نخفف على الناس التعبانة من الظروف، فسعر الذبح بقى أقل من السنين اللى فاتت".
