أمام لجنة مدرسة أم المصريين الإعدادية بإمبابة، يقف إبرام نبيل وكارليس عاطف، 18 عاما، يسألون الناخبين عن مدى معرفتهم بلجانهم الانتخابية،لمساعدتهم على الوصول للجانهم بسهولة، وفي الوقت ذاته الترويج لمرشح معين من خلال أوراق دعائية يحتفظون بها في دفتر كبير بحوزتهم، رغم مخالفة ذلك لقرارات الهيئة الوطنية للانتخابات.
"إحنا واقفين في اللجنة دي بس لأن في غيرنا واقفين في لجان تانية، المرشح هو اللي كلمنا واتواصل معانا، صممنا الورق بايدينا، باستخدام قلم ألوان عادي، أخدنا في تصميمه 5 أيام، تعبنا جدا فيه بس كله مكسب لينا".. وفقا لما قاله "إبرام".
وأضاف: "بناخد مقابل من المرشح أي مبلغ حتى لو قليل، عشان نشتغل ونطلع بمكسب من اليومين دول، وفي نفس الوقت هو بيستفيد عشان الناس تعرفه لأن فيه ناخبين كتير بييجوا مش عارفين ينتخبوا مين".
يقول "إبرام وكارليس"، إنّها المرة الأولى التي ينزلان فيها الانتخابات، مؤكدين أن نزولهم جاء بطلب من المرشح نفسه: "في ناس كتير عارفين لجانهم، وفيه ناس مش عارفة، إحنا بنساعد اللى مش عارف، وبنعمل دعاية للمرشح وللبرنامج بتاعه، لكن حتى الآن مشتغلناش كتير لأن الإقبال لسه محدود".
تعليقات الفيسبوك