«أبوشادى»: «اللى يشوف مرسى وبلاويه.. ما ينتخبش مدنى بعديه»

داخل سيارة حمراء فاخرة، تكسوها أعلام مصر وصور المشير السيسى، خرج «عبدالملك» راقصاً على أنغام الأغانى الوطنية، ضمن فعاليات الاحتفال الشعبى بفوز المشير، يخاطب المحتفلين بأهمية المؤسسة العسكرية وعواقب انتخاب رئيس مدنى، وقف منذ الثامنة صباحاً معتبراً نفسه متأخراً عن مراسم الاحتفال بالرئيس «السيسى» وفق قوله. «اللى من جوا المؤسسة يعرف يقول لكم بنتعب قد إيه؟» يسرد عبدالملك أبوشادى ذكرياته كمدرب للصاعقة داخل المؤسسة العسكرية طوال 20 عاماً قبل أن يتفرغ لممارسة الأعمال الحرة: «أنا خرجت دفعات على إيدى، والشباب دى بتتعب بجد، والسيسى واحد منهم عاش فى المر وسهر الليل لحراسة الحدود، والفنون العسكرية بتبنى راجل يعرف يتصرف ويحمى البلد، الرئيس المدنى مش هيقدر يعمل علاقات بين الدول زى الخبير العسكرى اللى بيمتلك استراتيجية تخلى دول الشرق والغرب واقفة فى صفه». 38 يوماً و«أبوشادى» لا يفارق الميدان «كل يوم آجى أشغل الأغانى وأحفز الناس عشان تنزل تصوّت لابن مؤسسة الجيش، اللى هيمشى البلد على عجين متلخبطوش.. مين قال إن الرئيس المدنى يقدر يعدلها.. اللى يشوف مرسى وبلاويه، ميفكرش ينتخب مدنى بعديه». آخر رسالة يوجهها الرجل الستينى من قلب ساحة التحرير مطالبة المشير السيسى بالثبات على شخصيته العسكرية «وإن الكرسى ميغيرهوش زى ما لعب بالرؤساء اللى قبله»، لأنه فى تلك الحالة سيكون «أبوشادى» وباقى الشعب هم أول الخارجين عن صفوفه للقيام بثورة ثالثة إلى أن يأتى رئيس «يراعى الشعب ويأكل الغلابة».