بعد واقعة التنمر الأخيرة التي تعرض لها الطالب أحمد عمر أثناء اجتيازه اختبارات القدرات بكلية التربية الرياضية جامعة كفرالشيخ، حيث تم رفضه من قبل اللجنة المختصة بسبب شكله ومعاناته من مشكلة في الشفاه، أعلن أيمن قطب، مدير سنتر لغات بكفرالشيخ، استعداده لإعطائه دورة كاملة في اللغة الإنجليزية كمحاولة منه لمساعدة "أحمد" وتقديم الدعم له.
حزن شديد خيم على "أيمن" بعد الواقعة، جعلته يقبل دون تفكير على تدريس اللغة الإنجليزية كاملة لـ"طالب التنمر"، من البداية إلى النهاية، لمساعدته وتطييب خاطره بعد ما حدث له: "الفكرة كلها تطييب خاطر، لو حد زعله فأنا باحاول أطبطب عليه وأقوله معلش يا أحمد، إذا كان حد زعلك، ففي 100 واحد بيمد ايده ليك وبيحبك، أنا ناوي أطيب خاطره، وأقوله الإنجليزي على الله ثم عليا، يعني أنا هافضل مع أحمد لحد ما يقول أنا شبعت إنجليزي ومش عاوز تاني".
المقابلة الأولى بينهم، سيحاول فيها "أيمن" عدم السماح لأحمد بالتفكير في أنه يعطف عليه، سيعامله كأخ له، وسيحاول جاهداً مساعدته بشكل يليق بمستواه: "مش هاخليه يحس إن الموضوع عطف عليه، لا ده حقه، حد زعله وأنا باصالحه، أنا باساعد الغريب، وجات على إبن بلدي ومساعدوش، أنا هساعده وهاعمله اللي هو عاوزه، ممكن مراكز كتير تعرض عليه الكورس مجاناً، بس هو لو عاوزني باللاب توب بتاعي، هاخده وهروحله البيت، أقعد معاه ساعة أو ساعة ونص كل كم يوم، نظبط الإنجليزي، وندردش مع بعض بيه، وأشوف أي حاجة واقفة معاه وأساعده، ونتفرج على فيلم مع بعض".
نوعان من الكورسات، سيُدَّرسها "أيمن" لـ"أحمد" بداية من ضبط النطق الصحيح باللغة الإنجليزية، إلى الإتقان الكامل للغة: "الأول هاديله كورس عام أظبطله الإنجليزي بتاعه والصوتيات والنطق، وأظبطله لسانه، إزاي يتكلم زي الأجانب، مهمتي الأولى تظبيط النطق عنده، بالإضافة للجرامر والكلمات".
تعليقات الفيسبوك