دليفري تطبيق الدراي كلين الإلكتروني
بمرور الزمن، تتغير بعض المهن وتتبدل أدواتها، ومهنة "المكوجى" دائمة التجديد والتغيير، فبعد الكي بمكواة القَدم ثم المكواة الكهربائية ثم الكى بالبخار، ظهر مؤخراً "دراى كلين" تعمل بنظام متطور، من خلال شركة لها تطبيق إلكترونى على "جوجل ستور"، وتتعامل مع زبائنها وفقاً لقواعد محددة.
من خلال "الأبلكيشن" يحدد العميل الخدمة التى يطلبها، سواء كانت غسيل أو كى ملابس، ثم ترسل الشركة مندوباً لاستلام الملابس ثم إعادتها، وبحسب فرج مصطفى، مدير فرع الشركة فى مدينتي: "الشركة متواجدة في 40 دولة، والسنة دى بقت فى مصر، التعامل مع التطبيق بسيط جداً، نفس طريقة التعامل مع تطبيق أوبر، بتدخل تعمل الأوردر أو الطلب بتاعك بطريقة بسيطة، بتحط الكمية اللى أنت عاوز تكويها أو تغلسها، وتقدر تحدد ميعاد تسليم الأوردر بنفسك، وبتحدد المكان عشان الدليفرى، وتقدر تَتَتبعه، إذا كان بيتغسل أو بيتشحن، وبتوفر الشركة نموذج لتقييم الخدمة من 1 إلى 5 لقياس رضا العملاء عن خدماتها".
لاقت فكرة التطبيق إعجاب العملاء، ولكن من طبقة إجتماعية معينة، وهو ما جعلها تقدم خصومات لجذب الزبائن ودفعهم لتغيير طريقة تعاملهم مع المغسلة: "ناس كتير بتشتكى من محلات الدراى كلين، أحياناً بيحصل مشاكل فى الملابس وغيره، لكن فى التطبيق لو فى أى مشكلة في القطعة يقدر العميل يتواصل لحل مشكلته".
تعليقات الفيسبوك