دورة تدريبية للطالبات وأمهاتهن لتعلم استخدام التابلت: سهلوها علينا
دورة تدريبية للطالبات وأمهاتهن لتعلم استخدام التابلت: سهلوها علينا
استخدام التابلت الدراسي لأول مرة هذا العام داخل المدارس، ربما يتسبب في تشتت ورهبة الطلاب، لذا قامت مدرسة سمو الشيخة جواهر الثانوية للبنات بمنطقة بولاق الدكرور، بتنظيم دورات تدريبية للطالبات وأولياء أمورهن، لتعلم استخدامه بطرق بسيطة وسريعة وشرح التطبيقات الخاصة بمناهج التعليمية.
جهد كبير قامت به إدارة المدرسة مع الطالبات وأولياء أمورهن، خلال الفترة الأخيرة، وحتى الآن، بهدف تعريفهن بطرق استخدام التابلت ومنظومة الثانوية العامة الحديثة: "بدأنا الدورات قبل الدراسة، وكانت كثيفة ولحد دلوقتي شغالين، لكن مش زي قبل الدراسة، وكان فيه مدرب متخصص لتعريف الطالبات إزاي يقدروا يستخدموا التابلت ولو واجهوا أي مشكلة إزاي يقدروا يحلوها أو يتخلصوا منها ويتعاملوا معها سريعا بدل ما يرجعوا لمهندسين الكمبيوتر"، بحسب إيمان عزت مسئولة المدرسة.
وتم وضع شروط محددة لحضور هذه الدورات منها، أن يكون العدد بسيط لا يتجاوز 20 طالبة وولية أمر، للحفاظ على التباعد الاجتماعي بين الحضور، وتجنباً للزحام، مع التشديد على ارتداء الكمامة خلال حضور الورشة، وتعقيم قاعات الحضور والحاضرين أيضا، في ظل الإجراءات الاحترازية للوقاية من فيروس كورونا المستجد.
"الدورة التدريبية كانت مجزية بنسبة كبيرة، وقدرت استفاد منها، وده هيساعدني أني أقدر أساعد بنتي لو في حاجة وقفت قدامها ومش عارفاها، وبشكرك المدرسة، لأنها اهتمت أن أولياء الأمور يكونوا موجودين ويساعدوا بناتهم"، بحسب رشا عفيفي، أحد أولياء الأمور.
حضرت رشا، دورة تدريبية أخرى قبل أيام قليلة من دخول المدارس، موضحا أنها حينما طلبت من إدارة المدرسة، حضور ورشة أخرى ساعدتها: "كنت عايزة أحضر تاني عشان أكون فهمت ولميت بكل التفاصيل والمعلومات"، واستطاعت بالفعل الاستفادة ومساعدتها ابنتها في مذاكرة دروسها على التابلت: "بقينا بنذاكر سوا أنا وهي لحد ما إيديها تاخد على التابلت، وبعدين هسيبها وهي تقدر تتعامل عليه وكمان المدرسة مش بتسيبهم وبتعلمهم واحدة واحدة".
