بعد تخرجه من قسم النحت بكلية الفنون الجميلة، بدأ "أحمد منعم"، يبحث عن عمل في مجال تخصصه، فمارس نحت التماثيل والجداريات لفترة قصيرة، ثم طور نفسه بالعمل في جذوع الشجر وصمم منها منتجات مختلفة من بينها مرايات وساعات حائط وكراسي.
لم يكتفِ الشاب العشريني بتلك المنتجات بعدما وجد نفسه يهدر جذوعا صغيرة من الشجر أثناء تصميمها دون استفادة منها، فقرر استغلالها بتصميم أكواب للعصائر وفناجين للقهوة بمواد عازلة: "بشتغل في جذع الشجر وبعمل منها حاجات كبيرة، فكان فيه أجزاء بتترمي وأنا بشتغل، فبعد فترة قولت لنفسي ليه موظفش الجزوع الصغيرة في تصميم منتجات تانية، لحد ما لقيت إن ممكن نعمل منهم كوبايات بس ماكنتش عارف هعمل ده إزاي".
بدأ "منعم" صاحب الـ27 عاماً، يبحث عن مواد عزل طبيعية يمكن استخدامها في التصنيع دون أن تتفاعل مع الخشب، مستعيناً ببعض الأطباء للتأكد من إنها مطابقة للمواصفات الصحية، حتى استقر به الحال على استخدام زيت البرافين مع شمع العسل في تصميمها: "عملت بحث كتير قبل ما استخدم أي حاجة لحد ما وصلت لأكتر من مادة، كملت دكاترة فى تخصصات مختلفة آخد برأيهم، لحد ما وصلت لمواد مالهاش طعم أو رائحة وفي نفس الوقت ما بتتفاعلش مع الخشب أو البن أو العصائر وآمنة على صحة الإنسان وطعم المشروبات فيها أحلى".
استغل ابن محافظة الإسكندرية صفحته الخاصة على موقع "فيس بوك" ليروج من خلالها عن منتجاته الجديدة التي لاقت إعجاب عدد كبير من أصدقائه، ما دفعه إلى تطويرها بمقاسات وأطوال مختلفة لتصبح ملائمة لكافة المشروبات، بحسب كلامه: "بشتري جذوع الشجر من منطقة المنشية، وباخدها أعمل منها مقاسات مختلفة، فالكوباية بتاخد معايا من يومين لـ3 أيام في تصميمها عشان تطلع صحية وقابلة للاستخدام".
ويوضح "منعم" أنه أسس بعد زيادة الطلبيات عليه ورشة صغيرة يتمكن من خلالها تصميم وبيع منتجاته
تعليقات الفيسبوك