بالصور| استياء بين أهالي وسائقي مطروح بسبب ارتفاع أسعار الوقود

"ده دعم المفروض ميغلاش نسيبه زي ما هوه إحنا ناس على باب الله"، بهذه الكلمات بدأ المواطنون وسائقو الأجرة والنقل، كلامهم في أول رد فعل لأهالي محافظة مطروح، على ارتفاع أسعار البنزين والسولار رافضين الزيادة، في الوقت الذى طالب فية المواطنون بعودة الأسعار القديمة. ويقول محمد عبدالرحيم، من أهالي مطروح: "احنا ناس على باب الله، نلاقيها منين ولا منين، الحكومة لازم ترجع الدعم تاني لأن ده بتاع الغلابة"، ويضيف عبدالله سالم، سائق تاكسي: "رفع سعر البنزين هيزود علينا كتير وهتحصل مشاكل كتير، لأن فيه ناس مبتقدرش الأجرة وده هيسببلنا مشاكل معاهم".[SecondImage] ويضيف عيد السيد، سائق نقل: "سعر السولار هيطبق على الغلبان مش علينا احنا، أنا كسواق لو بشيل النقله بـ100 جنيه هشيلها بـ200 جنيه، وفي النهاية المواطن هيدفع التمن ده، لأن بتاع السمك وبتاع الخضار اللي أنا بنقلهم بالعربية، أسعار النقل هتزيد عليهم فهيزودوا على المواطن". ويرى إبراهيم علي، سائق ميكروباص، "البنزين كان بـ90 قرش والناس بتشتكي من الأجرة، ودلوقتي الأجرة، فولنا بعد الساعة 12 بـ160 قرش بنزين 80 فالناس ظروفها صعبة، لا احنا عارفين نشتغل ولا هما عارفين يدفعوا الأجرة، وقلنا الريس الجديد هيجي يظبط البلد، بس كده البلد باظت".[ThirdImage]