على نهج السيسي.. "عازر" يقترح ركوب الدراجة يوم الإجازة لحل مشكلة الطاقة

اقترح المهندس هاني عازر، خبير الأنفاق العالمي، ركوب المصريين للدراجات الهوائية يومًا في الأسبوع؛ للمساهمة في حل مشكلة الطاقة. وقال عازر، في مداخلة هاتفية لبرنامج "اسمع مصر"، على موجات إذاعة "نغم إف إم": "في يوم الإجازة خد راحة، وانزل اتمشى على رجلك، وبلاش تتحرك بالعربية، وعايزين نشوف الناس تمشي بالعجلة في يوم الإجازة وتتحرك بيها، وتروح بها زيارات"، مضيفًا: "السيسي عملها، وركب العجلة بدلًا من السيارة". وأضاف: "المصريون يحبون وطنهم بشكل كبير، وشبابها ضحكته حلوة". وخاطب المصريين، بقوله: "فيه أمل، والمواطنون روحهم حلوة، اضحكوا وثقوا بالمستقبل، وإحنا إيدينا في إيد بعض، وإحنا فريق واحد، محدش يقدر يؤذينا، كلنا فريق واحد في بلد واحد، هنتقدم ومش هنرجع للوراء، وأنا مستعد أساعد بكل اللي معايا".