أحمد ينقل كبار السن
بعد أعمال الإنشاء التي تقام حالياً على كوبري منية سمنود بمركز أجا التابعة لمحافظة الداقهلية، قرر أحمد البرعي أحد السكان، التطوع وتقديم خدمة تطوعية مميزة وذلك بشراء كرسيين متحركيين يستخدمهما في نقل المرضى وكبار السن لعبور الكوبري، خوفاً عليهم من التعثر أو التعرض للوقوع.
أقرأ أيضا.. سائق توكتوك يقوم بتوصيل المرضى إلى المستشفيات مجانا
يعمل «أحمد» في هذه الخدمة التطوعية منذ يومين، ويقف على الكوبري من 9 صباحاً حتى 9 مساءً كل يوم، ويساعده بعض المتطوعين الأخرين: «لاحظت الناس الكبيرة وخصوصاً المريضة مش قادرة تعدي الكوبري عشان أعمال الإنشاء عليه ممكن يقعوا فقولت هشتري كرسيين على حسابي واطلعهم لوجه الله وانقل الناس عليه وفي أكتر من متطوع واقفين معايا على الكوبري مستنين أي حد كبير او مريض محتاج أنه يعدي من على الكوبري ونطمن عليه ونرجع تاني»، ويصل سعر الكرسي الواحد 1300 جنيه، ومنذ بدء العمل على تصليح وتجديد الكوبري، قرر «أحمد» تدبير هذا المبلغ المالي حتى يستطيع شراء الكرسيين.
ويعمل «أحمد» تاجر ومستورد، لكنه يحرص على التفرغ وتكريس جزء كبير من جهده ووقته لهذا العمل التطوعي لخدمة سكان قريته: «لحد ما أعمال الكوبري تخلص هفضل واقف كده أنا وبعض الشباب نساعد ونمرر السكان من على الكوبري ده بدل ما يتعرضوا لأي خطر».
وبحسب «أحمد»، فهذه المبادرة ساعدت بشكل كبير في عدم تعرض كبار السن للتعثر من خلال عبور الكوبري، ووجد فرحة ورضا في عيون سكان القرية، وقد اعتاد «أحمد»، على القيام بهذه الأعمال الخيرية بشكل مستمر لأهالي قريته: «إحنا في أي خير بنكون موجودين أنا والشبابومش شرط هما اللي يدفعوا فلوس طول ما أنا معايا بدفع وبسد المهم الاقي الشباب بتساعدني في نقل الناس وخدمتهم طول الوقت».
تعليقات الفيسبوك