خلافات الأبناء
مشكلات وخلافات كبيرة تحدث بين الأشقاء، خاصة إذا كان عددهم كبيرا ويتجاوز 3 إخوة، وقد تحدث الخلافات نتيجة أسباب عدة يتجاهلها الآباء والأمهات، ما يزيد النفور بين الأبناء ويزيد المشكلات بينهم.
ودائما تسعى الدولة لحل مشكلة الكثافة السكانية ونشر التوعية في جميع المحافظات، ليعيش الإنسان حياة كريمة، بعيدا عن الخلافات والمشكلات التي تؤدي أحيانا إلى كوارث.
وترصد «الوطن» فيما يلي الخلافات والمشكلات التي تؤثر على الأشقاء الذين يتجاوز عددهم أكثر من 3 ويصل لـ10 من خلال أطباء نفسيين.
الدكتورة هالة حماد استشاري الطب النفسي، قالت إنّ عدد الأبناء الكبير في المنزل يسبب مشكلات كثيرة، حيث تكون الأم دائما تحت ضغط، ما يجعلها تستخدم الأولاد الكبار لرعاية الأصغر سنا: «بيكون في نوع من المنافسة على جذب اهتمام الأم، وهي بتبقى مضغوطة ومعندهاش وقت ومش هتقدر تراعي كل طفل حسب احتياجاته، فبتبقى مش مركزة معاه فبيحصل مشاكل».
«دلوقتي مش زي أيام زمان»، بحسب استشاري الطب النفسي، موضحة: «زمان الأسر كانت بتعيش مع بعضها، بيكون في الجدة والخالة والعمة وغيره كانوا بيساعدوا الأم وبيخففوا على بعض، لكن دلوقتي الموضوع اختلف مبقاش في كده».
ويزيد المجهود على الأم والأبناء، وتكون مصاريف الحياة الأسرية والتكاليف أعلى بكثير: «بدل ما يكون طفل واحد أو اتنين وكل حاجة رايحة عليهم ويتمتعوا بيبقى يدوبك ومش بيقدروا يجيبوا كل حاجة، وممكن يتجاب لابن حاجات وميقدروش للباقي فبيحصل مشاكل»، بحسب وصف هالة.
واستكملت استشاري الطب النفسي قائلة: «العدد الكبير بيؤدي لخلافات كتير، خاصة لو الأم عصبية، تلاقي الأولاد بيتخانقوا كتير مع بعض ومش قريبين من بعض لأن عددهم كبير، وممكن يكونوا فريق ضد بعض وده هيأثر على علاقاتهم ببعض، ده غير ضغوط في العلاقة الزوجية بين الأب والأم، والأب يشتغل جامد عشان يقدر يكمل الحاجات الأساسية للأولاد ومفيش حاجة زيادة كله بيتصرف».
الدكتور محيي المصري، استشاري الطب النفسي، يقول إنّ الأعداد الكبيرة بالتأكيد تسبب خلافات بين الأشقاء، كما أنّ الطفل الأول يكون غير الأخير: «الأول تلاقيه أبو الصغير بيبقى مفيش صداقة عادة أو مفيش تناسق ولازم هيكون في خلافات بينهم».
ومن أكثر الأسباب التي تؤدي إلى خلافات وأصبحت منتشرة هذه الفترة «الورث» تقول استشاري الطب النفسي: «بصرف النظر عن العدد بيسبب خلافات كمان في الورث، ده بقى مشكلة أساسية في كل أسرة، كل ما العدد زاد الخلافات بتزيد، لأن المصدر هيكون أقل مما هما متخيلين وده شيء طبيعي».
تعليقات الفيسبوك