تحذيرات من تناول الأكل قبل النوم.. اعرف هيحصل إيه
يعتاد الكثيرون على تناول وجبات غذائية دسمة قبل النوم مباشرة، وهناك من يظل مستيقظا في أوقات متأخرة من الليل، وبعد الساعة 12 صباحا يقرر تناول أطعمة سريعة أو يطهي مأكولات تحتوي على زيوت ودهون.
الدكتور محمد الحوفي، أستاذ علوم الأغذية، قال لـ«الوطن»، إن الشخص يجب أن يتناول 3 وجبات يوميا، بينهم سناكس خفيفة، ويتوقف عن ذلك بعد الساعة الثامنة مساء: «المفروض ماكلش بعد 8 لكن لو أنا بقى هفضل أكل لحد ما أنام يبقى هيحصل مشكلات للمعدة».
وبين انتفاخ المعدة والشعور بعدم ارتياح في أثناء النوم والغازات وآلام بسبب مغص وعدم النوم بشكل عميق، أعراض كثيرة يشعر بها الشخص في حال تناول الطعام ثم الذهاب إلى النوم بعدها، خاصة إذا كانت الوجبة دسمة، وفقا لوصف أستاذ علوم الأغذية: «وبرده وتلاقي نفسك بتصحى تروح الحمام في نص الليل ومتعرفش تنام تاني بسهولة».
وأوضح «الحوفي»: «في ناس بتسهر للفجر تأكل محشي وفسيخ»، مشددا على أن الأكلات المسائية، أي الأطعمة التي يتناولها الشخص في العشاء يجب أن تكون سهلة الهضم مثل الخضار والفاكهة: «متاكولش حاجات فيها دهون أو المتحمر والمتسبك بيبقى عسر هضم، وبعدين في ناس تلاقيها بتأكل محشي وفسيخ على قرب الفجر دي عادات سيئة جدا».
وأضاف أستاذ علوم الأغذية حديثه: «اللي بيأكل الأكلات التقيلة دي هيحس بإرهاق طول اليوم لما يصحى وكمان معدلات الهضم بتفرق لو أنت آخر وجبة الساعة 8 هيبقى عندك فرصة للتمشية وبتسهل الحركة الدودية للأمعاء، وعملية الهضم تمشي كويس، لكن اللي بينام مرة واحدة بعد الأكل بيحصل كسل في عمليات الهضم، والأكلات دي بتعمل توتر للإنسان».
تعليقات الفيسبوك