الوشاح الأزرق
كشف جمال مختار، خبير أمن المعلومات، عن مخاطر لعبة الوشاح الأزرق بعد سقوط ضحايا بسببها، قائلا: «هو أحنا لازم نستنى لما حد يموت عشان نتحرك؟، أوضة الابن يفصل بينها وبين أوضة الوالد أمتار قليلة، ورغم ذلك فيه فجوة شنيعة بين الآباء والأبناء، ومحدش عارف يتواصل معاهم، وللأسف الجهل التكنولوجي لسة عند ناس كتير».
وأضاف «مختار»، خلال اتصال هاتفي ببرنامج «من مصر»، المذاع على شاشة «CBC»، وتقدمه الإعلامية ريهام إبراهيم، أن هذا الاستقطاب الذي تفعله تلك الألعاب سببه الفراغ الذي يعيشه الشباب، «الأب يقدر يتفاهم من ابنه ويتواصل معاه ويشوف بيعمل إيه ويوجهه ويحذره، ويقوله لما تسمع عن حاجات زي كدة مش هتعرف تثبت نفسك بحاجة زي كدة، لازم يبقى فيه تواصل، الأب فين؟».
وتابع: «قانون الجريمة الإلكترونية يجب تفعيله أكتر من كدة، والجهل الإلكتروني مازال منتشر نتيجة كدة بيتقبض على واحد ما أو حد يموت، أحنا مش بنفوق إلا لما تحصل كارثة، الأب عشان يوعي ابنه لازم يكون في الأول واعي، والتوعية مش صعبة، وتتطور مع تطورات العصر الحديث، ولازم اتكلم معاه بنفس اللغة وأصاحبه، في أمريكا سامحين للآباء بالتجسس على أولادهم».
وواصل: «لما تسمحي بالإبداع كل يوم هتلاقي إبداع قريب من كدة يودي في 60 داهية، الإبداع ده لازم له توعية، فين التوعية؟، ليه مفيش تربية إلكترونية زي التربية الوطنية في المدارس والجامعات؟، فيه تقصير وعدم تواصل وده اللي بيؤدي للكوارث».
تعليقات الفيسبوك