«الري» تطالب سكان قرى «حياة كريمة» بالحفاظ على الترع بعد تبطينها «فيديو»
تبطين الترع
نشرت وزارة الموارد المائية والري، مقطع فيديو عبر صفحتها الرسمية على فيسبوك، يوضح جهود الوزارة في تبطين الترع والمصارف بالقرى ضمن مبادرة حياة كريمة، وآراء المواطنين حول المشروع وحثهم على الحفاظ عليها.
وقال الفيديو: «إنت قولت إنت ليك دور.. إنت قولت إن الدولة مش مهتمة بينا.. إنت قولت إن المية ما بتوصلش، إنت قولت إن جسور الترع متهالكة ومفيش طريق تعدي عليه، الدولة استجابت، نفذت وقامت بدورها بالمشروع القومي لتبطين وتأهيل الترع، الدولة بتعمل حياة كريمة للمواطنين، إنت ليه عاوز ترجع ورا، إنت ليك دور تحافظ على ترعتك، ليك دور إنك تحمي صحتك، ليك دور إنك تبلغ لما تلاقي تعدي على ترعتك، الحياة كريمة لازم يكون ليك فيها دور».
وقال عدد من المزارعين في الفيديو: «في الأول ماكنش فيه حد بيستجيب لحد، وماكنش فيه وجهه نظر للفلاح، ماكنش فيه ميه بتوصل للترعة، ماكنتش بتوصل المية حتى وسط الترعة، ماكنش فيه جسور، ماكنش فيه طرق خالص نعرف نمشي فيها».