عمر كمال يعلن الصلح مع سعد الصغير
عمر كمال
قال مطرب المهرجانات عمر كمال، إنه تصالح مع المطرب الشعبي سعد الصغير، وعاتبه، بعد هجوم الأخير عليه، وقوله إنه لم يقدم شيئا بعد أغنية بنت الجيران.
وأضاف «كمال»، في مداخلة هاتفية مع برنامج «رأي عام» المذاع على قناة «TeN» الفضائية، ويقدمه الإعلامي عمرو عبدالحميد، الأربعاء: «سعد الصغير كلمني، وأنا زعلت من الكلام اللي هو قاله علينا، وعاتبته ومسحت البوست اللي أنا كتبته، بس عيب يقول الكلام اللي هو قاله علينا».
وتابع مطرب المهرجانات: «هو كان على قناة والمذيع استفزه، وقال إننا نمنا بعد أغنية بنت الجيران ولم نقدم شيئا آخر، ولكن إحنا منمناش وشغالين ومش نايمين، وعيب أقول إن تاريخك كله ميجيش قد عود البطل، رغم إن بداياتك كان فيه سوشيال ميديا، وعيب تتكلم علينا بالشكل ده».
وأوضح: «كل وقت وله أذان، وتعالى أمشي في الشارع وشوف الناس بتجري في الشارع وتتصور مع مين.. والكل عارف الناس هتروح تتصور مع مين».
ولفت إلى أن الفترة المقبلة سوف تشهد المزيد من الأعمال، حيث إنه قدم أغنية مع المطرب الشعبي أحمد شيبة، إضافة إلى ظهوره في أحد المسلسلات الرمضانية.
وشهد الوسط الفني والغنائي الفترة الأخيرة مشكلة جديدة بين سعد الصغير وعمر كمال، بعد أن هاجم الأول الأخير، وقال إن أغنية بنت الجيران «اتعملت باتنين جنيه»، ليرد «كمال» عبر موقع التواصل الاجتماعي ويقول: «فيه مطرب شعبي بيقول علينا إننا تاريخنا أغنية واحدة! وبيقول علينا لو مشينا جمبه في الشارع محدش يعرفنا! وبيقول بنت الجيران باتنين جنيه وملهاش لزمة وإحنا معملناش أي تاريخ يذكر!! وأنا بقولك دول شوية نجاحات، بنت الجيران 600 مليون مشاهدة، وعود البطل 434 مليون مشاهدة، وشمس المجرة 114 مليون مشاهدة، ولغبطيطا 160 مليون مشاهدة، وإنتي معلمة 32 مليون مشاهدة، ومساء النقص 23 مليون مشاهدة، وشيكولاتة سايحة 52 مليون مشاهدة، بنبوني ساقط في نوتيلا 53 مليون مشاهدة، بنتخان 28 مليون مشاهدة، فايقة ورايقة 17 مليون مشاهدة».