عاجل.. السيسي لعمال قناة السويس: مش عاوز أطول عليكم.. هما دول المصريين اللي حابين بلدهم
الرئيس السيسي
أشاد الرئيس عبدالفتاح السيسي، بموقف المصريين تجاه أزمة السفينة البنمية التي جنحت بقناة السويس، وحرصهم على متابعة الأزمة بصمت والفرحة العارمة بعد انفراج الأزمة: «علشان كده خلال السنوات اللي فاتت رغم الظروف القاسية اللي عدت علينا في مصر والتحديات اللي قابلتنا وهتقابلنا، إلا أنه بردو كان المصريين واقفين جنب بلدهم، وجنب قيادتهم، وفي الأزمة بيصبروا وبمجرد ما تنتهي بيعبروا عن فرحتهم وبييسجلوا ده، والأمر ده أنا واخد بالي منه من بدري أوي».
وأضاف «السيسي» خلال زيارته لمركز التدريب البحري والمحاكاة التابع لهيئة قناة السويس بالإسماعيلية، مخاطبا رجال الهيئة: «مش عاوز أطول عليكو علشان باقي اليوم، وعلشان انتم مجهدين بقالكو كذا يوم، ولكن عاوز ألفت النظر إن هما دول المصريين اللي حابين بلدهم وحريصين عليها».