الإلحاح في قضاء الحاجة ، رغبة تلازم الكثيرين عند الخروج من المنزل، وقد يواجهون أزمة عدم وجود مكان مناسب، أو يخشون استخدام الحمامات العامة لتجنب انتقال الأمراض والأوبئة أو العدوى البكتيرية، لذا قررت إحدى شركات المستلزمات الطبية بمنطقة مدينة نصر، إنتاج «كيس التبول» واستخدامه في قضاء الحاجة والتخلص منه في سلة القمامة.
انتجت مروة سليمان مسؤول الشركة، كيس لونه أسود، بحجم كف اليد، ويستخدم عند الضرورة للحاجة إلى التبول أثناء التواجد بخارج المنزل: «أي مكاف مقفول ممكن الشخص يستخدم ويعمل فيه التويلت وبعدين بيتحول لجيل يعني مش بيسرب ومش بيكون له ريحة وده عشان مرضى السكر أو الصغيرين والناس اللي مش بتحب تدخل الحمامات بره البيت وكمان عشان الناس اللي مسافر على طريق ومفيش مكان تدخل فيه الحمام، ممكن تستخدم لكيس المهم يكون في مكان مقفول مش مكشوف عشان يقدورا يفتحوا الكيس ويستخدموه»، بحسب «مروة».
ويُباع الكيس على الإنترنت، لحين تواجده في الصيدليات بشكل كبير، وسعر 10 قطع بـ95 جنيها، أما الـ 20 قطعة بـ180 جنيها، تقول «مروة»: «والدي الدكتور عبدالرحمن صيدلي وهو صاحب الشركة وهو اللي أنتج الكيس ده عشان يقدر يساعد الناس اللي متقدرش تستخدم أي حمام بره البيت وعندها خوف شديد من العدوى خصوصاً في ظل ظروف انتشار فيروس كورونا».
ويستخدم الكيس لمرة واحدة فقط، ثم يوضع بأي حقيبة خارجية، حتى يتم التخلص منه نهائياً داخل سلة القمامة، ولا يتسبب في انتقال أي أمراض أو عدوى، فهو محكم الغلق، بمجرد استخدامه وإغلاقه لا يُفتح ولا تتسرب منه المياه.
وتحكي «مروة» أن كيس التبول، عليه إقبال كبير بين المواطنين سواء الرجال أو السيدات: «كنت متخيلة أن الستات هي اللي هتطلب أكتر من الرجالة بس اتفاجأت أن في رجالة كمان بتطلبه وكتير وطبعا الأسر اللي عندها أطفال صغيرين بيطلبوه منه كميات»، وهذا الكيس تم إنتاجه منذ شهرين فقط، وتقول «مروة» إنه قريبا سيتواجد داخل الصيدليات، حتى يستخدمه أعداد أكبر من المواطنين.
تعليقات الفيسبوك