وزير الري عن طول أمد التفاوض حول السد الإثيوبي: أنا في الهم ده من 2006
عبدالعاطي: أحنا بالنا طويل ومصر حريصة على مصالح الجميع
الدكتور محمد عبد العاطي .. وزير الموارد المائية والري
تحدث الدكتور محمد عبدالعاطي، وزير الموارد المائية والري، عن طول أمد التفاوض مع الجانب الإثيوبي بشأن السد، حيث قال «أنا في الهم ده من 2006، أحنا صبرنا وبالنا طويل، مصر حريصة على مصالح الجميع، أثيوبيا عاوزه تنمية ويبقى فيه نمو، إحنا مش معترضين بس لازم يبقى عندهم حس، لكن إثيوبيا تسير في سلسلة من الكلام الكاذب المغلوط».
وأضاف «عبدالعاطي»، خلال حواره في برنامج «الحكاية»، مع الإعلامي عمرو أديب، على شاشة «إم بي سي مصر»، أن إثيوبيا ترفض الاتفاقيات الخاصة بالمياه وتدعي أنها اتفاقيات استعمارية، «طب لو أنتم بقى مش عاوزين تعترفوا بالاتفاقيات الاستعمارية على حد وصفكم ما هي نفس اتفاقيات حدودكم، يبقى رجعوا للسودان المدن التي حول الحدود».
وأشار وزير الموارد المائية والري، إلى أن إثيوبيا تدعي أن مصر تأخذ نصيب الأسد من مياه النيل، وأنهم لا يستفيدون بأي نقطة مياه من النيل «بأمارة إيه، ده عنده بحيرة تانا لوحدها فيها 55 مليار متر مكعب مياه، سد تيكيزي فيه 10 مليارات متر مكعب، تانا بلاس فيها 3 مليارات متر مكعب، السد الجديد ده فيه 75 مليار متر مكعب، وبحيرة فكتوريا فيها 3050 مليار متر مكعب».
وتابع: «بحيرة تنجانيقا فيها 18 ألف مليار متر مكعب، الكونغو بترمي حوالي 1300 مليار متر مكعب مياه زائدة في المحيط، وبعدين أثيوبيا بعد ده كله يرجوا شائعات بأن دي اتفاقيات استعمارية وأن مصر تأخذ نصيب الأسد من مياه النيل».