وزير الري: إثيوبيا تتراجع في تصريحاتها.. «كل شوية يقولوا زلة لسان»
عبدالعاطي: لا نثق في أي كلام طالما مفيش اتفاق مكتوب
الدكتور محمد عبد العاطي .. وزير الموارد المائية والري
قال الدكتور محمد عبدالعاطي، وزير الموارد المائية والري، إن الأزمة الحقيقية في مفاوضات السد الإثيوبي هو تناقض الجانب الإثيوبي وعدم الالتزام بأي شئ، «الإثيوبيين يقولوا حاجة وبعد ربع ساعة يقولوا معلش ده زلة لسان، وده المراقبين من كل دول العالم شافوه، إثيوبيا تتفق على رقم معين، بكرة يقولك لا أنا الرقم ده مقولتهوش ولا موافقة عليه».
وأضاف «عبدالعاطي»، خلال حواره في برنامج «الحكاية»، مع الإعلامي عمرو أديب، على شاشة «إم بي سي مصر»، أنه لا يقبل بكلام العلاقات العامة، ويجب أن يكون هناك اتفاق مكتوب وواضح، موضحًا أن وزارة الري تعمل على تنمية قدرات مصر المائية، بينما هناك سيناريو آخر تقوم عليها وزارة الخارجية من خلال تنسيقات مع الدول الأخرى.
وأشار وزير الري، إلى أن باقي أجهزة الدولة لديها سيناريوهات خاصة بها، «بقول للمواطنين لازم أخذ القرار اللي يناسبني في الوقت اللي يناسبني، مكنش وضع اضطرار أني اخد قرار تحت ضغط، قرارات الحرب مش سهلة، لا أخذ قرار تحت ضغط وفي توقيت مش مناسبني، المواطن يسيب اللي ياخد أي قرار في التوقيت اللي هو شايفة صح».
وتابع: «أحنا عندنا اهتمام أننا ننمي إثيوبيا، مهتمين أيضًا نزيل الفقر من أثيوبيا، ده اهتمام أساسي لمصر، اروح أقوله حرب؟ لأ، مش عاوزين نضطر إلى أخذ مواقف متطرفة، بس في الوقت ذاته، طالما مفيش اتفاق مكتوب لا نثق في أي كلام، كلام العلاقات العامة ملهوش أي لازمة عندي، والاتفاق منصب على إدارة السد وقت الجفاف».
وواصل: «لو فيه فيضان متوسط أو فيضان عالي ومفيش جفاف أحنا كويسين، لو فيه جفاف هيبقى أمر لا يسكت عليه، اتفاق المبادئ كان مرتبط بملء وتشغيل السد وليس حصص مائية أو أمور أخرى».