أسماء مصطفى تعلن إصابتها بالمرض اللعين: «عدم ظهوري هيطول.. ادعوا لي»
الإعلامية أسماء مصطفى
أعلنت الإعلامية أسماء مصطفى مقدمة برنامج «هذا الصباح»، الذي يعرض عبر شاشة «إكسترا نيوز»، إصابتها بـ«المرض اللعين»، مشيرة إلى أنَّه تسبب في ابتعادها عن الناس منذ أشهر، وأن هذا الغياب سيطول، بسبب رحلة العلاج.
وكتبت أسماء مصطفى، عبر حسابها الرسمي على منصة التواصل الاجتماعي «فيس بوك»: «أنا بعتذر طول الفترة اللي فاتت عن الاختفاء وعدم الرد غصب عنى الحقيقة إني بقالي كام شهر مش عارفة أرد أو اكتب أقول ايه لمعظم الناس، وده كان علشان أمي وعيلتي لحد ما يستوعبوا القصة، وبعد ما عرفت ورضيت، خلاص مش فارق معايا خلاص».
وأضافت: «أنا حالي حال ناس غيرى كتير بيمروا بمعركة مع المرض اللعين، الاسم صعب معلش، وأنا منهم بحاول وبكافح، وربنا كريم، صحيح المشوار لسة طويل والشفا بإيدين ربنا وحده، وما علينا غير إننا ناخد بالأسباب ونرضى بقضاء الله ونساله اللطف فيهـ مش عايزة حد يزعل، أنا بس محتاجة الدعاء لأني مؤمنة، لأنه بيغير القدر أنا قطعت مسافة كويسة في رحلة العلاج الحمد لله، ولسة في خطوات تانية ربنا يسهل، في انتظار تحديد ميعاد العملية، علشان كدة عدم ظهورى هيطول، رجاء تاني محدش يتضايق، فضلا الدعاء».