​

«السخرية» هي سلاح المصريين الأول، في الأزمات قبل الأشياء المفرحة، رافعين شعار «اضحك محدش واخد منها حاجة»، وآخر الأشياء التي لم تسلم من سخرية المصريين، كانت مارك زوكربيرج مؤسس وصاحب شبكة التواصل الاجتماعي فيس بوك، بعد صورة نشرها معلنا تلقيه لقاح فيروس كورونا المستجد (كوفيد - 19).

بمجرد أن أعلن مارك زوكربيرج حصوله على مصل كورونا، انهالت التعليقات على صورته، حتى أنّها وصلت لـ60 ألف تعليق، بينها الكثير من التعليقات المصرية الطريفة والتي نرصدها لكم كما يلي:

علق محمود خليفة على صورة مارك زوكربيرج قائلًا: «إيه الصورة الجامدة دي، مش هتكلم كتير عشان أنت عارف اللي فيها».

وعلق حساب باسم تامر حامد: «الغالي، أبو بسنت الغالي صاحب الملك وكلنا مأجرين عنده، المعلم مارك صاحب العمارة والقهوة وفتوة الفيسبوك، ربنا ينجحلك بسنت وتشوفها عروسة، بس وحياة الحاجة بلاش موضوع البلوك 3 أيام ده وهخلي أمي تدعيلك».

ونشر إسلام صورة من أحد الأفلام الأجنبية، ووصف مارك أنّه شبح، معلقا عليها: «ثبح يا صاحبي».

 

بينما هنأ محمود الكومي مارك بشهر رمضان المبارك، قائلًا: «كل سنة وانت طيب يا مارك ورمضان كريم عليك وعلى أسرتك».

وطالب محمد سليمان، مارك زوكربيرج بمشاركته في مشروع تجاري، قائلًا: «عايز أشاركك في مشروع مطعم بطاطس مقلية في الغردقة، شوف وفي انتظارك».

وكتب هشام علاء كمال: «طولت العمر ليك يا أبوالصحاب، العمر مش في البطاقة العمر بالطاقة يا عمهم، ربنا يديك الصحة ويباركلك في العيال وأمهم، أنت تستحق أكتر من اللي انت فيه ومجتهد».

وكتب محمد يسري: «حبيبي أمارك عامل إيه، بتصل بيك مبتردش يعني أزميلي في إيه؟».

واستعان أحمد رجب بصورة الفنان أمير كرارة من مسلسل «نسل الأغراب»، معلقا: «اتفرج يا مارك على كومنت عمك وهو بيجيب ريتش أعلى منك».

وكتب سيفين سمور: «بقولك يا ابن عمي ما تديني شركة واتس سلف وأبقى أرجعهالك بعد يومين».

وعلق محمود خليفة: «ما خلاص يسطا هو كل واحد عنده شركة هيقول لنا our operation، ده نجيب ساويرس مبيقولهاش».

بينما علقت سمر عبدالرحمن بعبارة من فيلم «الدادة دودي»، قائلة: «ما خلاص بقى يا لوجي كفاية بوستات محدش ظاهر لي غيرك».