مواقف من حياة الشعراوي.. فاروق الباز يتحدث عن علاقة والده بإمام الدعاة
محمد متولي الشعراوي
يفتخر الكثيرون بعلاقتهم ومواقفهم مع الشيخ محمد متولي الشعراوي، ومن بينهم العالم المصري فاروق الباز الذي أكد أن الشيخ الشعراوي، كان تلميذًا لوالده لمدة 12 عامًا، خلال حواره في برنامج «ابن مصر»، على قناة المحور، مضيفًا أن هناك جملة شهيرة، كان يقولها الشيخ للعالم عندما يقابله، وهي: «ياما أبوك ضربني على قفايا».
وتطرق «الباز»، في الحديث عن بعض المواقف الأخرى مع الشعراوي، منها عندما ذهب إلى محاضرة في جامعة المنصورة، وحضرها محافظ الدقهلية، ورئيس الجامعة، وقبل بداية المحاضرة، وجد باب المدرج يطرق ليدخل الشيخ، وعندما تقدم للجلوس، رفض الشيخ أن يجلس في المقاعد الأمامية.
وتابع «الباز»، أنه بعد ذلك طلب كرسي على المنصة بجانبه، وأمسك الميكرفون قائلاً: «أنا مش جاي عشان فاروق الباز، أنا جاي عشان أبوه الشيخ سيد الله يرحمه»، وأكمل «الشعراوي»، حديثه عن موقف مع والد «الباز» قائلاً: «إحنا بعد 10 سنين في الأزهر الشريف وكنا خلاص هنتخرج، طلع مادة جديدة اسمها العلوم الحديثة هيضيفوها علينا، وهتخلينا نقعد في الأزهر سنة زيادة، طبعا اتضايقنا وعاوزين نتخرج عشان نشتغل وناخد مرتب، قولت لأصدقائي إحنا مش هيحل المشكلة دي غير الشيخ سيد الباز لأنه قريب من رئيس الجامعة وهو اللي ممكن يعفي الدفعة بالكامل من هذا الأمر».
وقال «الباز»، خلال لقائه مع قناة المحور: «الشيخ الشعراوي خد زمايله وراح لأبويا، قالوا عاوزين نتخرج عشان نشتغل وناخد مرتب ومش عاوزين ناخد العلوم الحديثة دي، الشيخ الشعراوي كان بيتكلم وأبويا ساكت ومش بيرد، ولما خلص الشعراوي كلامه قاله العلوم الحديثة دي إنتو مش عاوزين تاخدوها عشان إنتو جهلة، أنا هكلم رئيس الجامعة وهخليها سنتين مش سنة واحدة وأنا اللي هدرسهالكم».