«صاحب محل» يقدم الملابس لغير القادرين والأيتام بالمجان: العيد فرحة
«صاحب محل» يقدم الملابس لغير القادرين والأيتام بالمجان: العيد فرحة
- ملابس العيد مجانا
- هدوم العيد مجانا
- العيد
- عيد
- عيد الفطر
- فيروس
- فيروس كورونا
- ملابس العيد مجانا
- هدوم العيد مجانا
- العيد
- عيد
- عيد الفطر
- فيروس
- فيروس كورونا
مع قرب عيد الفطر المبارك، تحتاج غالبية الأسر توفير ملابس جديدة «هدوم العيد» لأطفالهم، إلا أن ارتفاع أسعار الملابس تجعلهم غير قادرين على ذلك، لذا قرر محمود مرسى أن يقدم الملابس للأطفال الأيتام وأبناء الأسرة الفقيرة بالمجان بهدف إدخال البهجة إلى قلوبهم.
محمود مرسى صاحب محل ملابس في محافظة السويس، قرر تقديم الملابس إلى الأطفال الأيتام هذا العام بالمجان: «من حقهم يعيدوا وسط صحابهم بهدوم جديدة عشان ميزعلوش ولا يحسوا انهم أقل من أي طفل تاني» وبحسب «محمود» هذه الملابس جديدة، ولكن معظهما يعود إلى موضة العام السابق، أو المتبقية من مخزن السنة الماضية.
«جزء من الهدوم تبرعت بها بتاعت السنة دي والجزء تاني موجودة في المخزن لكن جديد» ويقول «محمود» إن هذه الملابس تناسب كافة الأعمار من 3 سنوات وحتى 12 عاماً وبأحجام مختلفة، حيث يتم فتح أبواب المعرض أمام المواطنين من بعد الظهيرة، وحتى 11 مساءً: «الإقبال من الناس كويس جدا وبياخدوا كل اللي محتاجينه، وكل واحد عارف مقاسه عشان مفيش مكان يقيسوا فيه وطبعا في نظام وتباعد اجتماعي وحرصنا أن نعقم المكان».
«الناس كانوا مكسوفين في الأول ياخدوا هدوم ليهم وعيالهم، لحد ما بقيت آخدهم بنفسي، وأفرّجهم على الهدوم، وآخد رأيهم في الحاجة اللي عاجباهم»، وبعد مرور عدة أيام من افتتاح المعرض: «الناس اتبسطت جدا من التجربة، وهاكررها دايما في المواسم والأعياد، علشان أفرّح كل الناس وابنسطهم ولو بحاجة بسيطة في الأيام دي».
ويوضح «محمود»: «أنه يقدم هذه المبادرة لأول مرة، بسبب الظروف الاقتصادية التي تمر بها البلاد، فى ظروف جائحة فيروس كورونا».
