الفنان تامر حسني
«والله عندي واتساب».. كلمة متداولة عبر منصات التواصل الاجتماعي خلال الساعات الماضية على هامش أزمة الفنانة حلا شيحا والفنان تامر حسني، حيث ربط الجمهور بين رد «حسني» على تصريحات «حلا» وبين المواقف الأخرى التي اشترك بها تجاه من يختلف معه إلى الحديث عبر منصات التواصل الاجتماعي بدلا من الاتصال به.
وبالنسبة لأزمة حلا شيحا مع تامر حسني خرجت عبر صفحتها الشخصية على موقع الصور الشهير «انستجرام» رافضة نشر أغنية «بحبك» من فيلم «مش أنا» التي تُشارك تامر حسني في بطولته؛ ليرد عليها الأخير قائلا: «للتوضيح للجمهور الكريم أنا والمخرجة الأستاذة سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظة تقوليها، ماكنتيش بتردي علينا وتليفوناتك كلها كانت بتقفل في وشنا».
كما أكد تامر حسني، في رسالته أنه حاول مرارا التواصل مع «حلا» دون جدوى، موضحا: «بقيتي تقفلي تليفوناتك وتكنسلي علينا كلنا، وبعدين أي فيلم بيبقى ليه خطة مسبقة في الدعاية».
في نوفمبر عام 2020، خرجت بسمة بوسيل معلنة انفصالها عن الفنان تامر حسني ومطالبة بالطلاق وذلك عبر منصات التواصل الاجتماعي في أزمة شغلت الرأي العام لأيام؛ إذ قالت عبر صفحتها بموقع «إنستجرام»: «لكل الناس اللي بتبعتلي صور وفيديوهات لتامر وشايفة إنه مش بيعملي احترام سواء في صور أو فيديوهات يا ريت تبطلوا تبعتولي أي حاجة عشان مش فارقلي أي صور.. كمان أحب أعرفكم إن إحنا بقالنا فترة منفصلين وبنحضر أوراق الطلاق، لو سمحتوا احترموا مشاعر كل حد فينا وبطلوا على الأقل تبعتولي أنا أي حاجة».
تلك الرسالة جعلت تامر حسني يخرج بعد تدخل العديد من نجوم الفن؛ ليرد: «بسمة حبيبتي.. للأسف أنتي مفكرتيش كويس وسلمتي ودنك لشر السوشيال ميديا عشان كام تعليق كلامهم فارغ، نسوكي إنك عرفتيني وأنا مشهور ودي طبيعة شغلي اللي عرفتيني وحبتيني بيها، إزاي وصلوكي للزعل والبُعد فترة».
ووقتها، وجه «حسني» نصيحة للجمهور: «ليه لما أي حد بيزعل من حد بيطلع يكتب عليه في السوشيال ميديا؟.. طب حتى يكلمه الأول.. إيه علاقة الناس بمشكلة شخصية بين اتنين ممكن تتحل في التليفون أو حتى زيارة رحيمة بينهم.. وياريتها مشكلة أصلا».
وفي أكتوبر 2020، رد الفنان تامر حسني، على تصريحات الفنان أحمد السقا التي رددها فى برنامج "السيرة" والتي عاتبه فيها على ترويجه لفيلمه الفلوس، بصورته واسمه، قائلا: «حبيبي وأخويا وصديق العمر ونجم الدنيا كلها أحمد السقا، كنت أتمنى إنك تكلمني بيني وبينك، ولو كنت زعلان من أي حاجة أو فاهم أي حاجة غلط، لأن الحاجات دي لا يمكن تفوتك، وأنا كنت أتمنى مكتبش الكلام دا هنا، بس بعد كلامك فى التلفزيون، الجمهور الكريم بقى ليه حق إنه يفهم الصح».
تعليقات الفيسبوك