يعد ارتفاع تكاليف الزفاف مشكلة تواجه المقبلين على الزواج، ومن الممكن أن تؤدي إلى فشل إتمام الزواج وخاصة لغير المقتدرين، وهو الأمر الذي دفع الشاب محمود طعيمة لأن يغني مجانًا ويدخل الفرحة على قلوبهم.
يحكي «طعيمة» البالغ من العمر 28 عامًا، وهو من منيل السلطان بأطفيح الجيزة، فكرته لعمل أفراح لغير القادرين بالمجان: «الفكرة بدأت معايا من 2017 لحد دلوقتي عامل أكتر من 95 فرح لغير القادرين في أنحاء الجمهورية، بروح للناس المحتاجين فراشة إضاءة، وبنسق مع أهل العريس وأهل العروسة قبلها بيوم».
مشوار بدأ في معهد الموسيقي
اشتهر «طعيمة» بصوته العذب منذ نعومة أظافره، واحترف الغناء بدخوله معهد موسيقى عربية: «بغني وأنا عندي 5 سنوات، والناس كانت دايمًا تقولي صوتك حلو، ولما كنت بروح أي فرح بيخلوني أغني، ومش بس كده أخويا الكبير دايمًا واقف في ضهري وبيشجعني».
أسباب عديدة وراء فكرة «طعيمة»، من بينها المواقف التي كان يقابلها في حياته: «واحدة قابلتني وقالتلي بنتي بتحبك جدا ونفسها أروح أغنيلها بس الظروف على قدها، فقررت أغني في أفراح الناس الغير قادرين، ومعايا فريق عمل كويس جدا بيشتغل وبيتحرى عن الشخص اللي بيكلمنا ويقولنا إنه غير قادر».
طويت صفحة «ستار أكاديمي» وفضلت ورا حلمي
يحكي «طعيمة»، أن عدم نجاحه في ستار أكاديمي لم يقف عائقًا أمام حلمه مضيفًا: «قدمت في البرنامج مرة واتنين وتلاتة وكنت بترفض، وبعدين استعديت كويس وروحت واتقبلت سنة 2010 ووصلت للنهائيات، لكن مافزتش وبعدين خرجت، وفضلت ورا حلمي وعملت 5 كليبات وألبومين وحاليا بحضر في التالت».
قطع «طعيمة»، على نفسه عهدا بأن يستمر في دعم غير القادرين، ويمد يد العون للجميع ماديًا أو معنويًا.
تعليقات الفيسبوك