محمود وأبو بكر
حزن وألم وترقب، يغطون قلوب عائلتين كاملتين في قرية «شريف باشا»، الواقعة بمحافظة بني سويف، بسبب اختفاء طفلين من أبنائهما، إذ دفع الرسوب في نتيجة الصف الثاني الإعدادي، محمود بدوي سيد كامل، وصديقه المقرب، وجاره أبو بكر قرني كمال، إلى الهرب خوفا من عقبات هذا الأمر.
بدوي سيد كامل، والد أحد الطفلين اللذان اختفيا بعد رسوبهما في امتحانات الصف الثاني الإعدادي، يحكي لـ«الوطن»: «العيلين الاتنين في 2 إعدادي، ابني وابن ناس جيرانا، كانوا بيذاكروا مع بعض دايما، ومستواهم كويس يعني، وبيصلوا مع بعض وحافظين قرآن وكل حاجة».
بعد ظهور نتيجة التيرم الأول للصف الثاني الإعدادي، فر الطفلان من بلدتهما الصغيرة الموجودة في مركز بني سويف، تاركين خلفهما أهاليهم في حزن وأسى «من حوالي 10 أيام ظهرت النتيجة بتاع التيرم الأول، ابني لقى نفسه جايب ملحق رياضة، والتاني معرفش نتيجيته بصراحة، لكن يمكن جاب ملحق برضه».
أخر ظهور لـ«محمود» و«أبو بكر»، كان يوم 9 فبراير الجاري، بعد ظهور النتيجة مباشرة «من وقت النتيجة مشيوا مع بعض ومش عارفين هم راحوا فين».
تناشد عائلتي «محمود» و«أبو بكر» أي شخص يعرف أي معلومات تفيدهم أو تدلهم على مكان تواجد الطفلين بالتواصل معهم لإنقاذهما من مصير مجهول لا يعرفون نتائجه على أنفسهم وأسرهم.
والدي «محمود» و«أبو بكر» يوجهان رسالة مؤثرة لنجليهما لحثهما على الرجوع إلى أحضان أهلهم «ارجعوا يا حبايبي محدش عايز ولاده يتعبوا ولا يبقوا وحشين، ارجعوا أهاليكم تعبانة وزعلانة عليكم والناس والبلد كلها، عرفونا أنتوا فين، أهاليكوا تعبانين وشغالين في الفاعل وهنا وهنا عشان تبقوا كويسين»
تعليقات الفيسبوك