مترميش «ردة العيش» وسيب ورق الشجر.. «فارس» بيعمل بيهم عظمة
مترميش «ردة العيش» وسيب ورق الشجر.. «فارس» بيعمل بيهم عظمة
في البيئة المحيطة بنا العديد من المواد التي يمكن استخدامها في عمل أنماط جديدة من الفنون، وعلى الرغم من التنوع الطبيعي ذلك إلا إنه لا يتم استغلال ذلك الأمر بالصورة الأمثل، ودائما ما يكون التركيز منصبا على المواد المستهلكة والتي يلجأ إليها جميع الرسامين إلا أن فارس زكي من محافظة بني سويف قرر تطوير موهبته في الرسم من خلال استخدام مواد موجودة حولنا في البيئة ولا ينظر إليها أحد.
الرسم بورق الشجر وردة الخبز
مواد عضوية ونباتات وفواكهة، خامات استخدمها العشريني في الرسم، ولكن ربما المميز والذي جعله حديث مواقع التواصل الاجتماعي خلال الفترة الأخيرة، استخدامه «ردة» الخبز وورق الشجر في الرسم، وقدرته الكبيرة على التحكم في الرسم بشكل تظهر معه اللوحات الفنية وكأنها مرسومة بالفرشاة.
اهتمام فارس بالرسم جاء منذ الصغر
بداية اهتمام «فارس» بالرسم جاء منذ عدة سنوات حينما حاول تقديم فن يناسب روح العصر ويقدم فكرة جديدة ومبتكرة لهواة الفن: «الرسم هواية عندي من صغري، لكن أنا قررت أقدم كل يوم حاجة جديدة ومختلفة علشان التطور اللي بقينا فيه محتاج سرعة وتغير في كل حاجه حوالينا، حتي في الرسم، وده اللي خلاني أرسم بأي حاجه في الطبيعة حتي التراب والشاي».
عن فكرة استخدام ردة الخبز وورق الشجر في الرسم، يقول «فارس» إنهما من بين الأشياء التي لا يدرك أحد قيمتها، فتضيع دون فائدة علي الأرض حتي قرر الفتي استخدامها في الرسم: «أصعب مرحلة هي اللزق علشان التعامل مع الردة وورق الشجر أصعب حاجة ممكن تتخيلها ومفيش حد بيتعامل معاها بسهولة ويلزقها بشكل قوي، لكن أنا قدرت أوصل لخلطة معينة من خلالها بلزق بكل سهولة»
لاقت فكرته تلك قبولا واسعا من رواد السوشيال ميديا والذين تفاعلوا مع الصور التي نشرها «فارس»: «ورق الشجر بيبوظ بعد فترة علشان ينشف، لكن الردة بتاعة العيش دي بتعيش فترة أطول لو حافظت عليها في مكان كويس، لأني بكون مفرغ منها الهواء علشان تثبت وتعيش»
