أسامة كمال للمصريين: "ارفعوا رجلكم من على فرامل الوطن عشان يمشي لقدام"

بعث الإعلامي أسامة كمال، مقدم برنامج "القاهرة 360" عبر قناة "القاهرة والناس"، رسالة نداء إلى ركاب الوطن، قائلًا: "إتأخرنا ومتأخرين عن الدنيا وبجد إحنا مستعجلين، فأرجوكم ارفعوا رجلكم من على فرامل الوطن عشان يمشي خطوة لقدام". وأضاف كمال، خلال برنامجه "القاهرة 360"، أن هناك مبدأ بسيط في قيادة أي سيارة، لا يحتاج تدريب أو تعليم، متابعًا أن "المبدأ هو لو عايز تمشي بالعربية ارفع رجلك من على الفرامل قبل ما حتى تدوس بنزين.. صعبة؟، أكيد أنه بعد ما تشيل رجلك من على الفرامل نتفاهم في الباقي، تمشي على الأول ولا التاني، تدوس بنزين بالراحة ولا جامد، تدي إشارة يمين أو شمال بس الأول، شيل رجلك من على الفرامل أو على الأقل لو مش عايز تشيل رجلك من ع الفرامل ما تستغربش إحنا ليه مش بنتحرك". وأوضح قائلًا: "لكنا ماسكين في رقبة السواق.. أي سواق.. وبنزعق له ونقول له ياسطى إحنا ما بنتحركش ليه؟ هو أنت مش بتعرف تسوق ولا إيه.. ومش عايزين نشيل رجلينا كلنا من على الفرامل".