الشارع تالنت
الشارع تالنت
«اكتشفنا إن الشارع كله مواهب.. وفى أى وقت وتحت أى ظرف الشعب ده بيعرف ينبسط».. «رامز يوسف»، مسئول تليفزيون «مش أمبوسيبول»، يتحدث. «قلة إمكانيات الفريق لم تكن عائقاً لمواصلة البث وتوصيل الرسالة. لا عندنا استوديو ولا إمكانيات، بس بكاميرا صغيرة ممكن نعمل برنامج ونوصل صوتنا ونسعد جمهورنا».
فى الوقت الذى توقفت فيه حركة السياحة بعد 25 يناير قرر «مش أمبوسيبول» النزول إلى الشارع لمخاطبة سائحى العالم من خلال رسالة: «تعالوا زوروا مصر.. مصر جالها وقت كانت محتاجة كل واحد فينا يكون إيجابى عشان نقول للعالم مفيش مستحيل.. نزلنا صورنا فيديو عن كل حاجة جميلة فى بلدنا.. كان لازم كلنا نتحرك مش بس المسئولين».
لم يقتصر تليفزيون «مش أمبوسيبول» على برنامج اكتشاف المواهب، إذ ضم برنامجاً آخر بعنوان «منى فى البيت» للحديث عن سنة أولى جواز والمأكولات الخفيفة التى تستطيع الزوجة إعدادها فى تلك الفترة من الحياة الزوجية، وكذلك برنامج «على فين» الذى يتحدث عن أشياء مختلفة تحدث فى مصر بعد انهيار منظومة العادات والتقاليد فى المجتمع، بالإضافة إلى «كعب داير»، و«المخرج عاوز كده» الذى يقدمه المنتج محمد السبكى، وينتقد من خلاله الأفلام الموجودة على الساحة.
فريق العمل لم يكتف بالبرامج، بل رصد حالات مجتمعية كالتحرش والرشوة: «نزل واحد مننا وسط البلد بعد ما عمل نفسه بنت، وطبعا اتعرض للتحرش لمجرد إنه بنت، للأسف كنا ناويين نرصد 10 ساعات مقدرناش نصور ربع ساعة على بعضها».
