أهالى أسوان يواجهون طفح المجارى وانسداد البالوعات بـ«تعلية الرصيف»

شوارع أغرقتها مياه المجارى، بسبب انسداد شبكات الصرف الصحى، وانبعاث روائح «عطنة» نتيجة اختلاط القمامة بمياه المجارى، مأساة يعيشها أهالى قرية الرديسية بأسوان منذ أسبوعين، نتيجة تهالك «البلاعات» وغياب المتابعة الدورية من العاملين بشركات الصرف الصحى لتطهير مجرى المواسير الصدئة. «رصيف عالى قدام كل بيت»، الحل الذى لجأ إليه علاء محمد، أحد أبناء القرية أمام عمارته، وسار على دربه أغلب الأهالى، فى محاولة بائسة منهم لمنع تدفق مياه المجارى إلى بيوتهم، مكتفين بالرائحة الكريهة لحين الانتهاء من الأزمة: «الميه بقى لونها أخضر من كتر ركنتها، بقالنا أسبوعين على الحال ده ومية المجارى عمالة تزيد، لدرجة إننا مبقيناش عارفين نمشى فى الشارع، ففكرت أعلى الرصيف بالأسمنت عشان متدخلش جوه العمارة وكفاية علينا الريحة». «العيال مبقيتش أقدر أنزلهم لوحدهم فى الشارع من كتر مية المجارى اللى مالياها، ده غير مغامرة كل يوم وهما رايحين المدرسة وندور على حتة مفيهاش مجارى نمشى منها، وحاولنا نشتكى أكتر من مرة فى المحافظة نفسها ومحدش بيستجيب، وملقيناش حل غير إننا نعلى الرصيف قدام بيوتنا لحد ما نشوف هنفضل فى المجارى لحد إمتى».