لمواجهة حروب العطش.. تنظيف خزانات المياه بـ«الليفة والصابون»

خزانات مياه ملوثة، ومواسير ليست أفضل حالاً، أوضاع ظلت تعانى منها قرية كفر رجب بالقليوبية، دون التفات من المسئولين، حتى قرر الأهالى حل معاناتهم بأنفسهم. «صابون، خرطوم مياه، وليفة ومنشفة».. أدوات بسيطة استخدمها الأهالى فى حملة التنظيف الجماعية لخزانات ومواسير المياه بالمدينة. محمد العابدين، أحد أهالى القرية، أوضح أن مشكلة قريته ليست فى انقطاع مياه الشرب، لكن فى تلوثها على مدار 3 شهور بسبب الخزانات والمواسير التى لوثتها الشوائب «الميه عندنا مابتقطعش، لكن مشكلة تلوث المياه هى اللى بتواجهنا، واتعودنا أن شركة المياه تيجى تنضفها، لكن المرة دى دخلنا فى 3 شهور ومحدش بيسأل فينا لحد ما المياه بقت تنزل من الحنفية مش نضيفة، وقررنا ننضفها بنفسنا»، «محمد» أضاف: «فضلنا أسبوع كامل ننضف فى كل الخزانات والمواسير والمحابس الرئيسية اللى بتوصل للبيوت بمعاونة مسئولين من شركة المياه».