حمادة هلال: نجاحي مع عصام إسماعيل ثمرة صداقة حقيقية وعشرة عمر
حمادة هلال: نجاحي مع عصام إسماعيل ثمرة صداقة حقيقية وعشرة عمر
تحدث الفنان حمادة هلال، عن علاقته المميزة بالملحن والمطرب عصام إسماعيل، مؤكدًا أن النجاح الذي جمعهما هو ثمرة صداقة حقيقية وعشرة عمر، قائلًا: «النجاح اللي حصل بيني وبين عصام ما كانش شغل والسلام، دي علاقة عشرة ومحبة وأخوة حقيقية».
ميلاد الأغنيات وسط الذكريات
وأضاف «هلال»، خلال مداخلة هاتفية ببرنامج «الستات ما يعرفوش يكدبوا» على قناة «سي بي سي»: «الأغاني اللي عملناها اتولدت وسط ذكرياتنا وضحكنا وسهراتنا، مش جو شغل رسمي، عصام من المطربين الجامدين جدًا قبل ما يكون ملحن، لكنه اختار التلحين في الفترة دي، ونجاحه بيثبت كل يوم إنه موهوب بجد».
وكشف الفنان حمادة هلال، عن مواقف طريفة جمعتهما في بداية مشوارهما: «كنت بعمل فيه مقالب جامدة جدًا، ويصدقها ولو قلت له جملة لحن من سنين يفضل فاكرها، دماغه كمبيوتر بجد».
