واعظة بـ«الأوقاف» توضح حكم طواف الحائض
واعظة بـ«الأوقاف» توضح حكم طواف الحائض
قالت الدكتورة فاطمة عنتر، الواعظة بوزارة الأوقاف، إن مسألة طواف الحائض من الأسئلة المتكررة من الفتيات والسيدات أثناء أداء مناسك الحج أو العمرة، مؤكدة أن الشريعة الإسلامية راعت ظروف النساء وأعطتهن من التيسيرات ما يرفع الحرج عنهن، خاصة في أوقات الزحام وضيق الوقت.
الطهارة شرط لصحة الطواف
وأضافت «عنتر»، خلال تقديم برنامجها عبر قناة الناس: «الحائض والطواف، سؤال بييجي لنا كتير من البنات أثناء الحج أو العمرة، دلوقتي هي حائض ومش عارفة تعمل إيه؟ ممكن المدة بتاعتها تخلص أو الرحلة اللي طالعة معاها يمشوا وهي لسه ما خلصتش المناسك».
وواصلت: «الأصل إن المرأة تطوف وهي طاهرة، وإن الطهارة شرط لصحة الطواف، لأن سيدنا النبي عليه الصلاة والسلام قال الطواف كالصلاة، فهو شرط لصحة الطواف».
وتابعت: «لكن لو المرأة حاضت، فالمفروض إنها تنتظر لغاية ما ينتهي حيضها، وبعد كده تطوف بالبيت، لكن لو كانت مرتبطة بمواعيد سفر، أو الفوج اللي معاها هيمشي، فمفيش مشكلة أبداً، لغاية ما ينتهي الحيض، مفيش أي مشكلة عليها إنها تتحفظ كويس وتطوف، وليس عليها شيء، لأنها تعتبر معذورة».
وأردفت: «ويُستحب في الحالة دي إنها تذبح بدنة، ويجوز لها إنها تذبح شاة، لكن لو ما تقدرش على الذبح فلا حرج عليها، لأنها من أصحاب الأعذار، والله أعلم».
