سومة عن حفلها في دار الأوبرا: «مش قادرة أوصف فرحتي»
سومة عن حفلها في دار الأوبرا: «مش قادرة أوصف فرحتي»
أعربت المطربة سومة عبر حسابها الرسمي لتبادل الفيديوهات والصور إنستجرام عن سعادتها بنجاح حفلها بدار الأوبرا المصرية.
وكتبت سومة قائلة: حقيقي مش عارفة أبدأ كلامي منين مش هقدر أوصف فرحتي وسعادتي بكم الحب والمشاعر الصادقة اللي حستها وشفتها فعيون كل اللي حضروا الحفلة امبارح كان عندي إحساس ممزوج بالخوف والرهبة الكبيرة جدا جدا اللي راحوا بمجرد استقبال الجمهور ليا وفرحتهم برجوعي جمهور عظيم وذواق للفن بشكر دار الأوبرا المصرية بيتي ومكاني برئاسة الدكتور علاء عبد السلام علي ثقته وتنظيم هذا الحفل.
وأضافت: أشكر استاذه أماني السعيد علي تنظيمها للحفل واهتمامها بكل التفاصيل والدكتور محمد الموجي وأخويا الغالي تامر غنيم لدعمهم الدائم ليا ولنجاح الحفل وشكر للمايسترو الكبير الدكتور مصطفي حلمي شهادتي فيك مجروحه لكن حقيقي فنان كبير والوقوف جمبك شرف كبييير ومسئوليه كبيره، شكر كبير جدا للفرقه الموسيقيه إخواتي وأساتذتي موسيقيين وكورال اللي تعبوا جدا جدا عشان الحفله تظهر بهذا الشكل.
واختتمت: أخيرا بشكر كل زملائي مش عاوزه أنسي حد اللي وقفوا جمبي فاليوم بكل حب وقلوب صافية ومحبة بحبكم كلكم.
