أستاذ طب سلوكي: الطلاق زلزال نفسي يهز الطفل والمجتمع
أستاذ طب سلوكي: الطلاق زلزال نفسي يهز الطفل والمجتمع
حذّر الدكتور إيهاب عيد، أستاذ الطب السلوكي، من خطورة الاستهانة بالطلاق، خاصة في وجود أطفال، مشيرا إلى أنه ليس مجرد قرار بين طرفين؛ بل زلزال نفسي واجتماعي يمتد أثره إلى الأبناء والمجتمع بأسره.
وقال أستاذ الطب السلوكي، خلال حوار مع الإعلامية مروة شتلة، ببرنامج «البيت»، المذاع على قناة الناس: «الرسول ﷺ قال إن الطلاق من الأمور اللي لا يجوز فيها الهزل، وده معناه إن حتى كلمة (أنتِ طالق) مش هزار.. الطلاق مش نكتة، للأسف البعض بيتعامل مع الزواج وكأنه تجربة عابرة، ومش فاهمين إن دي مؤسسة، فيها مسؤوليات، وبُنى بيجري عليها الزمن».
الطلاق يهز ماضي الطفل ويهدد حاضره
وأضاف: «المشكلة الحقيقية بتبدأ لما يكون في أطفال، هنا بقى مش بس الزلزال بيضرب الزوجين، ده بيضرب كمان الطفل، اللي هو المنتج الحقيقي لهذا الزواج، هو اللي بيدفع الثمن، حتى لو محدش حاسس لأنه بيهز ماضي الطفل وبيهدد حاضره، وبيخليه مش عارف مستقبله رايح على فين».
التفكير في الإنجاب لا بد أن يسبقه وعي حقيقي بمسؤولية الزواج
وأشار الدكتور إيهاب عيد إلى أن التفكير في الإنجاب لا بد أن يسبقه وعي حقيقي بمسؤولية الزواج، مؤكدًا أن التراجع بعد تأسيس أسرة يسبب ضررًا عميقًا ليس فقط للطرفين بل لكل من حولهم.
الزواج مش قرار لحظي دي مسؤولية عامة
وتابع: «أنا بقول لأي شاب أو فتاة ناويين يتجوزوا وينجبوا، لازم تفكروا كويس.. لأن الرجوع مؤذٍ، مش ليك لوحدك، للناس اللي حواليك كمان، الزواج مش قرار لحظي، دي مسؤولية عامة، وأي عبث فيها بيولّد زلزال بيدمّر نفسيا واجتماعيا».
