عصام السقا عن مشاركته في «ريستارت»: الفيلم يحمل رسالة مهمة

أعرب الفنان عصام السقا عن سعادته بالمشاركة في فيلم «ريستارت»، من بطولة النجم تامر حسني، والذي طُرح في دور العرض السينمائي اليوم الخميس.

عصام السقا يتحدث عن مشاركته في فيلم ريستارت

وفي تصريحات خاصة لـ«الوطن»، قال عصام السقا: «أنا مبسوط جدًا إني موجود وسط النجوم دي كلها، وفيلم ريستارت فيلم كوميدي، لكنه في نفس الوقت بيحمل رسالة مهمة جدًا يا رب تعجب الناس إن شاء الله».

وأشار السقا إلى أن الفيلم يناقش بشكل مباشر التأثير السلبي للسوشيال ميديا على حياتنا، قائلاً: «الناس بقت بتجري ورا الترندات واللايفات بطريقة أحيانًا مهينة، وبقت بتستخدم السوشيال ميديا بشكل يقلل من قيمتها، وده مأثر على الناس بشكل كبير».

وأضاف: «الإنترنت بقى في إيد الأطفال طول الوقت، وده سبب مشاكل كبيرة للعائلات، لأن الطفل بقى بياخد ثقافته من الموبايل أكتر من تأثير البيت عليه، وده واضح جدًا في الفيلم من خلال الرسائل اللي بتوصلنا لحالة ذهنية مشوشة وطريق مسدود».

وتساءل السقا عن واقعنا الرقمي قائلًا: «ماذا لو ما كانش فيه إنترنت في مصر؟ وماذا لو الإنترنت اتقطع؟ مين هيتضر؟ ومين هيستفيد؟ كل ده هنشوفه في الفيلم إن شاء الله».

شخصية عصام السقا بفيلم ريستارت

وعن الشخصية التي يجسدها ضمن أحداث الفيلم، أوضح عصام السقا: «ألعب شخصية مهندس كابلات بحرية، شخصية لطيفة، لكنه بيجري ورا الشهرة والفلوس، وفي النهاية ده بيبوّظ له حياته».

• عصام السقا
• ريستارت
• فيلم ريستارت