حسام داغر يودع صديقه بكلمات مؤثرة: «الملاك اللي كان وسطنا سابني ومشي»
حسام داغر يودع صديقه بكلمات مؤثرة: «الملاك اللي كان وسطنا سابني ومشي»
نشر الفنان حسام داغر، رسالة مؤثرة عبر صفحته بمنصة التواصل الاجتماعي «فيسبوك»، نعى فيها أحد أصدقائه، الذي وافته المنية منذ أيام قليلة، معبرا عن حزنه الشديد لفقدانه، واصفا إياه بأنه كان «أطيب وأجدع صاحب ممكن تقابله».
حسام داغر يودع صديقه
وقال «داغر» في رسالته: «صديقي وأخويا وأطيب وأجدع صاحب ممكن تقابله توفي النهاردة، أحمد مكنش مجرد صديق عادي، كان الصاحب اللي دايما موجود وبيسأل عليا، الملاك اللي عايش وسطنا ضحكته مش بتفارق وشه، وفي أي موقف صعب ألاقيه أول واحد جالي ويخرجني ويضحكني وميسيبنيش».
وأضاف الفنان، في رسالته: «بس المرادي سابني وراح للي أحن من الكل، كده يا أحمد تخضنا وأعرف النهاردة إن بقالك أسبوعين محجوز في مستشفى ومقولتش لحد، عشان متتعبش حد ولا تتقل على حد، وأنت اللي دايما موجود مع الكل، تموت لوحدك في المستشفى وتمشي كده، ببساطه كده، عيني موقفتش دموع عليك وبفتكر حاجات بينا بقالها فوق الـ15 سنة».
حسام داغر: يا رب يرزقك الجنة
وتابع حسام داغر: «مكنتش مجرد طالب عندي، من قبلها كنا صحاب وحبايب، وكنت بتحبني قوي أنا عارف، وأنا كمان كنت بحبك، أنا لسه في أمريكا، ومش مصدق إن يوم زي ده مكنش جمبك فيه، يا رب يرزقك الجنة لأنها اتعملت للملايكة اللي زيك، ولو ربنا كتبهالي ورحت الجنة هبقى ضامن إن عندي صاحب هناك.. مع السلامة يا أحمد».
