تعرضت الفنانة ملك أحمد زاهر الأيام الماضية لأزمة صحية مفاجئة، تسببت في دخولها المستشفى والخضوع لفحوصات طبية.

وشاركت النجمة الجمهور تفاصيل دخولها المستشفى من خلال حساباتها الرسمية بمواقع التواصل الاجتماعي، ولكنها فاجأت الجمهور بعد ذلك بعدم توصل الأطباء لتفاصيل مرضها أو الوقوف على أسباب وعكتها الصحية قائلة : «عندي حاجة مش فاهمين سببها».

تفاصيل أزمة ملك أحمد زاهر الصحية

وكشف ملك أحمد زاهر عن تعرضها لأزمة صحية، من خلال منشور عبر خاصية الاستوري بحسابها الرسمي بموقع التواصل الاجتماعي إنستجرام قائلة: «أنا والله ما كنت متوقعة كل اللي حاصل ده، أنا لما حبيت أشارك حالتي الصحية كان عشان أنا كنت مخضوضة جدا على نفسي، وفكرة إن لا أنا ولا الدكاترة حتى عارفين أنا عندي إيه كانت رعباني وكنت محتاجة بس أوصلكم إن حياتي فيها الحلو وفيها الوحش».

وتابعت ملك أحمد زاهر قائلة: الموضوع مش الغرض منه القلق، وإني مش عايزة حد يقلق عليا أنا كويسة، وكده كده أحسن من غيري وعندي يقين في ربنا إنه هيقومني بالسلامة وإن شاء الله تبقى حاجة بسيطة بس من خضتي كتبت مع إن دي مش طبيعتي إني اشارك الحاجات السلبية، عمومًا أنا بس مش عارفة أقول إيه ولا إيه، من قلبي بشكر كل حد سأل عليا ودعالي والله كله كان بيوصلني.

رسالة خاصة من ملك زاهر لجمهورها

واختتمت ملك أحمد زاهر منشورها قائلة: «الحمد لله إنها جت على قد كده، أكيد ربنا حماني من حاجة أكبر وأهم حاجة إن عرف السبب بطل العجب والحمد لله إننا عرفنا، هي حساسية شديدة في الدم بس أنا مطمنة أنا بخف وبتحسن كل يوم الحمد لله والشكر الله ومفيش حاجة خطيرة بإذن الله، وأنا آسفة لو كنت قلقتكم بس ده مكانش الغرض أبدا والله، شكرا من كل قلبي على الحب ده أنا عرفت غلاوتي عندكم وعند كل اللي حواليا بشكركم من قلبي».

• ملك أحمد زاهر
• مرض ملك أحمد زاهر
• الحالة الصحية ملك أحمد زاهر