إيناس عزالدين تخضع لجراحة عاجلة.. وتطالب الجمهور بالدعاء لها

04:40 م | السبت 28 يونيو 2025

أعلنت المطربة إيناس عزالدين خضوعها لعملية جراحية عاجلة في العين، وذلك من خلال منشور لها عبر حسابها الرسمي بموقع التواصل الاجتماعي فيسبوك.

إيناس عزالدين تخضع لجراحة عاجلة

وقالت المطربة إيناس عزالدين في منشورها: «عملية عاجلة في عيني وأنا عندي فوبيا من عمليات العيون، وفكرة إني أشوف بيحصل إيه في عيني حتى لو تحت التخدير مخلياني جسمي بينتفض، والله دخلت جراحات كتير بس ببنج كلي وما عنديش فوبيا من الجراحات عموما إلا في العين، فكرة جراحة وأنا صاحية ومفتحة وفي عيني وأشوف الإبر وكل حاجة بتدخل في عيني مموتاني».

إيناس عزالدين تطلب دعاء الجمهور

وتابعت إيناس عزاالدين: «ادعولي تعدي على خير وربنا يقويني لأن فعلاً مش قادرة أوصف الحالة اللي أنا فيها، وكل ده بسبب خطأ طبي ومتابعة خاطئة كمان وتثبيت من الدكتورة، وفي المتابعة تقولي عينك زي الفل وبتتحسن والجرح قفل وهي بتتدهور يوم بعد يوم من مشكلة بسيطة بشهادة كل الدكاترة يدوب محتاجة قطرة ومضاد حيوي ويومين راحة وابقى زي الفل لجرح وصل إلى 4 مللي ولعملية وتليف في جزء من الملتحمة وقص وخياطة وليلة كبيرة بلا داعي».