«منصة الحرفيين الذكية» ضمن مشروع تخرج طلاب كلية الذكاء الاصطناعي بجامعة كفر الشيخ
«منصة الحرفيين الذكية» ضمن مشروع تخرج طلاب كلية الذكاء الاصطناعي بجامعة كفر الشيخ
- جامعة كفر الشيخ
- كلية الذكاء الاصطناعي
- مشروع تخرج
- مشروعات التخرج
- طلاب
- كفر الشيخ
- الذكاء الاصطناعي
- منصة الحرفيين الذكية
إنشاء حل رقمي مٌتكامل يربط بين العملاء والحرفيين بطريقة سهلة وفعالة، بهدف تحسين جودة الخدمات الحرفية المقدمة وزيادة موثوقية التعامل، كان فكرة 10 طلاب بالفرقة الرابعة بكلية الذكاء الاصطناعي بجامعة كفر الشيخ، حيث دشنوا «منصة الحرفيين الذكية»، التي تعتمد على الموقع الجغرافي والأسعار والتقييمات لتوفير تجربة مخصصة لكل مستخدم، وتتيح للعميل استعراض ملفات الحرفيين وسجل أعمالهم السابقة، ضمن مشروع تخرجهم لعام 2025.
جاء ذلك تحت رعاية الدكتور عبدالرازق دسوقي، رئيس جامعة كفر الشيخ، المشرف على كلية الذكاء الاصطناعي، وإشراف الدكتور تامر مدحت، وكيل الكلية لشؤون التعليم والطلاب، والدكتور محمود يس شمس الدين، وكيل الكلية للدراسات العليا والبحوث، والمهندس وائل أبوشعيشع، أمين الكلية، والدكتورة بسمة محمد حسن، المشرف على المشروع، وبمشاركة 10 طلاب، هم علي رضا محمد أبو هرج، وأحمد محمد فتحي، ومحمد عبده بركات، ويوسف رضوان السعيد، وأحمد ممتاز محمد، وإسماعيل محمد محمد، وعبد الرحمن الجوهري، ومحمود فتحي هيكل، وأيمن محمد الدسوقي، وخالد محمد عطا.
فكرة المشروع
تُدمج المنصة بنظام توصية ذكي يعتمد على خوارزمية K-Nearest Neighbors (KNN)، الذي يعمل على تحليل تفضيلات المستخدم وسلوكياته السابقة لتقديم اقتراحات دقيقة للحرفيين الأنسب له، مما يُساعد في اتخاذ قرارات أسرع وأكثر جودة، وفقاً لما ذكره علي رضا محمد أبو هرج، أحد طلاب المشروع، لـ«الوطن»: «الفكره الأساسية جاتلنا إن في ناس مثلًا كويسين أوي في الحرفة بتاعتهم ومتقنين ليها، بس ممكن مش قادرين يوضحوا ده ويظهروا اسمهم وسط السوق، وفي ناس برضوا بتكون المعارف بتاعتهم على القد وبيحتاجوا أي تصليحات في البيت بس مش بيكونوا عارفين مين موجود هنا أو ناس لسه رايحين سكن جديد فييكونوا لسه مش عارفين أي حد، عشان كده المنصة بتاعتنا بتربط أي شخص محتاج يبين شغله ويُظهر قدراته بشخص محتاج فعلًا حرفي خبير بميعاد محدد بحيث الحرفي ده ميتأخرش عليه بأسهل طريقة وأسهل طرق دفع وتقييم للخدمة، وكمان الحرفي بيظهر شكل الشغل بتاعه والشغل اللي عمله على الصفحة الخاصة بيه على المنصة بحيث إن الزبون يُقيم شغل أي حرفي من الحرفيين اللي موجودين على المنصة ولو عجبوا شغله وحابب إنه يعمل نفس الشغل ده عنده يتواصل معاه بشكل مباشر».
منصة الحرفيين الذكية
استعراض الحرفيين وخدماتهم السابقة، وحجز مواعيد للخدمات بسهولة، والتوصية التلقائية بالحرفيين الأنسب لكل مستخدم، خصائص أساسية تمتلكها «منصة الحرفيين الذكية»، بحسب أحمد محمد فتحي، أحد الطلاب: «المشروع فيه مميزات كتير وبيربط أصحاب الحرف بالجمهور، وتكلفة المشروع كانت وقت ومجهود وسهر طول الوقت وانضباط إننا لازم نخلص التاسك اللي علينا قبل الوقت المحدد لينا علشان لو في أي مشكلة أو أي حاجة محتاجة تتعدل نقدر نعملها في الوقت اللي متبقي علشان نسلم كل حاجة في ميعادها، والتنفيذ تم في شهر بس».
«شمس الدين»: المشروع سيعمل على الربط بين العملاء والحرفيين بطريقة سهلة وفعالة
أشاد الدكتور محمود يس شمس الدين، وكيل كلية الذكاء الاصطناعي لشؤون الدراسات العليا والبحوث، بفكرة مشروع «منصة الحرفيين الذكية» الذي نفذه طلاب الفرقة الرابعة بالكلية، مشيرًا إلى أن هذا المشروع سيعمل على الربط بين العملاء والحرفيين بطريقة سهلة وفعالة.
