سعد هنداوي: «فات الميعاد» مشروع فني مميز.. وكان همّي وصول مشاعر الشخصيات للناس
سعد هنداوي: «فات الميعاد» مشروع فني مميز.. وكان همّي وصول مشاعر الشخصيات للناس
أكد المخرج سعد هنداوي أن انضمامه لمسلسل «فات الميعاد» جاء بعد فترة غياب عن مصر استمرت عامين، موضحًا أن وجود مشروع فني مميز ومتكامل كان كافيًا لإقناعه بالعودة والمشاركة، خاصة في ظل توفر عناصر النجاح من نص جيد، وطاقم عمل محترف، وشخصيات مكتوبة بعناية.
كتابة جميع الشخصيات بشكل متوازن
وتابع «هنداوي» خلال لقائه ببرنامج «صاحبة السعادة» على قناة DMC: «ما كانش عندي طلبات خاصة، بس كان هدفي الأساسي إننا ندخل جوه العالم ده بتفاصيله كلها، ونفهم الشخصيات كأنهم أصحابنا أو ناس من قرايبنا».
وأشاد بالسيناريو في «فات الميعاد»، مؤكدًا أن جميع الشخصيات تمت كتابتها بشكل متوازن ومعقد بعيدًا عن السطحية أو النمطية، وهو ما اعتبره تحديًا إضافيًا للممثلين، قائلًا: «كل شخصية عندها أكتر من بُعد، وده بيحمل الممثل مسؤولية كبيرة في تقديمها بصدق».
الحرص على البعد عن المباشرة في العمل
وأشار إلى أنه كان حريصًا على الابتعاد عن أي خطاب مباشر أو توعوي في العمل، موضحًا: «كان شاغلني إني ما أوصلش للمباشرة أو التوجيه، ما كنتش عايز الناس تحس إننا بنقدم قضية بشكل تقريري، لأن ده بيكسر إحساس المشاهد».
واختتم المخرج سعد هنداوي حديثه قائلاً: «كنت مؤمن إن المشاعر هي اللي توصل الرسائل، وإن الناس بنفسها هي اللي تفكر وتقرر من غير ما نفرض عليهم طريقة فهم معينة».
