قالت إنجي الذهبي، أخصائية التربية، إن المجتمع بحاجة إلى إعادة النظر في مفهوم الزواج، خاصة في السياق العربي، حيث يرتبط الزواج منذ الصغر بفكرة إلزامية وغير قابلة للنقاش.
الزواج شراكة بين اثنين
وأوضحت الذهبي خلال لقائها مع سالي شاهين، ببرنامج «ست ستات» المذاع عبر قناة dmc، اليوم، أن «الزواج هو شراكة بين اثنين، حاجة مهمة نكمل بيها الحياة ونلاقي حد يشهد عليها»، لكنها تساءلت: «هل فعلاً إحنا بنتجوز علشان ده؟ ولا علشان اتربينا على إن لازم البنت لما تكبر تتجوز؟».
وأكدت أنها ترفض فرض فكرة الزواج على بناتها كهدف وحيد في الحياة، موضحة: «أنا مش بقول لبناتي عايزاكي تبقي عروسة، أنا بقول عايزاكي تنجحي، تبقي مبسوطة، تشتغلي، تسافري، تعيشي حياتك.. ولو حبيتي تتجوزي، أهلاً وسهلاً، بس مش هو ده الهدف».
النظرة السائدة حول نجاح المرأة
وانتقدت أخصائية التربية النظرة السائدة التي ترى أن نجاح المرأة لا يكتمل إلا بالزواج، وقالت: «إحنا في ثقافتنا كأن البنت عشان تبقى ناجحة لازم تبقى متجوزة، لكن الحقيقة إن النجاح الحقيقي إن الإنسان يعيش حياة متوازنة سواء اتجوز أو لأ الحب لوحده مش كفاية.. لأن كتير بيحبوا بعض ولما بيتجوزوا بيكتشفوا إن في حاجات أعمق لازم تبقى موجودة.. تفاهم، احترام، شراكة، ومسؤولية».
وعن تجربتها الشخصية، قالت الذهبي: «أنا اتجوزت عشان كنت بحب جوزي، بس عرفت بعد كده إن الحب محتاج حاجات تانية كتير علشان العلاقة تكمل».
