هدى المفتي: ويجز فنان موهوب.. و«البخت متغنتش علشاني»

حسمت الفنانة هدى المفتي الجدل المثار حول ارتباط أغنية «البخت» لمطرب الراب ويجز بها، بعدما تداول رواد مواقع التواصل الاجتماعي أن الأغنية موجهة لها بشكل شخصي.

هدى المفتي تحسم جدل أغنية البخت

وقالت هدى المفتي خلال لقائها ببرنامج «صاحبة السعادة» مع الإعلامية إسعاد يونس: «ويجز فنان خطير وموهوب جدًا، لكن الأغنية مش ليا خالص، ومتغنتش علشاني».

أضافت: «أنا كنت نايمة، وصحيت علشان عندي شغل، لقيت أكتر من 300 رسالة على تويتر، فضلت أسأل نفسي هو أنا عملت إيه؟! قلت يمكن الموضوع له علاقة بصاحبتي اللي كانت ضايعة تليفونها وعليه صور شخصية».

هدى المفتي تكشف ارتباطها بويجز

وأردفت: «بعدها سألت واحدة من صحابي قالتلي في أغنية نازلة والناس بتقول إنها متغنية ليكي، بس بكرر تاني الأغنية مش ليا خالص، وأنا وويجز معارف بس صحاب قريبين وبيننا أصحاب مشتركين».

• ويجز
• هدى المفتي
• أغنية البخت