آيتن عامر تشارك في ترند «صورتك مع المشاهير» بصورة رفقة والدها الراحل
آيتن عامر تشارك في ترند «صورتك مع المشاهير» بصورة رفقة والدها الراحل
شاركت الفنانة آيتن عامر عبر حسابها الرسمي على «إنستجرام» في ترند «صورتك مع المشاهير»، ونشرت صورتها بجوار والدها الراحل، ورفقت المنشور بكلمات رثاء مؤثرة.
آيتن عامر تتذكر والدها بكلمات مؤثرة
وكتبت آيتن عامر: «وحشتني أوي أوي أوي.. وحقيقي محتاجاك.. الدنيا مش حلوة، والناس كمان.. كل مرة بتحط في اختبار صعب أو أزمة، مفيش حد بييجي في بالي غيرك.. أول واحد ببقى نفسي أجري عليه وأقوله: الحقني.. وجودك كان هيبقى له فرق كبير.. يمكن عمري ما قلت إن غيابك مسببلي أزمة كبيرة ولا قلت اللي جوانا، بس هييجي يوم وأبقى قوية كفاية علشان أواجه وجع قلبي وأطلع كل الكلام اللي جوايا ومقولتهوش».
وأضافت الفنانة آيتن عامر: «زعلانة منك في حاجات، ومفتقداك في حاجات أكتر بكتير.. ومتاكدة إن لو كنت موجود كنت هتكون السند، لكن غيابك خلَّاني أنا السند لنفسي وللي حواليا كمان، لأن فيا منك كتير، خصوصًا قوتك وجدعنتك مع الكل.. بس أنا تعبت من كتر القوة وزهقت؛ مبقتش عايزة أدخل حروب ولا عايزة مشاكل.. اللي عايز يفهم حاجة يفهمها، واللي عايز ياخد فكرة ياخدها — مش هبرر ولا هدافع.. بس اتطمن: بنتك قدها، ومهما قابلت هتفضل واقفة ورأسها مرفوع.. هتاخد استراحة المحارب، ومش هتبدأ حروب، لكنها دايمًا جاهزة لأي حاجة، وساعتها مش هتكون في احتمالية للخسارة».
