أسما شريف منير تنقذ حياة 3 قطط بمساعدة زوجها: ربنا عوَّضني بإنسان طيب
أسما شريف منير تنقذ حياة 3 قطط بمساعدة زوجها: ربنا عوَّضني بإنسان طيب
كشفت أسما شريف منير، عبر ستوري موقع تبادل الفيديوهات والصور إنستجرام، حبها الشديد للحيوانات وكيف أنقذت حياة 3 قطط بمساعدة زوجها.
وكتبت أسما: «كان في وقت في حياتي الناس ضيَّقوا عليا عشان حبي للحيوانات ضغط وكلام يوجع، إيه الريحة دي، إيه الفلوس اللي بتتصرف عليهم، ارميهم بره، مش قادرة إيه القرف ده، الدوشة دي ليه، ومع كل ده مفيش مرة حد مد إيده يساعد بالعكس كان في تكسير ومشاكل».
وأضافت أسما: «بس ربنا كريم وبيعوض باللي ماكنتش أتخيله، عوضني بإنسان طيب القلب والروح جوزي أحمد، الراجل اللي بيساعدني بإيده بأكلهم معايا ويمشيهم معانا ويسافروا معانا، نوديهم دكاترة وننقذ 3 قطط مع بعض ونرعاهم، الحمد لله أن ربنا عوضني براجل حنين ومحترم زي أحمد».
أسما شريف منير تعلن ارتداءها الحجاب
وأعلنت أسما شريف منير منذ أيام عبر حسابها الرسمي بموقع تبادل الفيديوهات والصور إنستجرام، ارتداءها الحجاب.
ونشرت أسما شريف منير مجموعة صور لها معلقة: «الحمد لله، مكنش عندي غير طرحة واحدة وطقم واحد بس يليق بالخطوة دي، بس كنت حاسة من جوايا إن دي الخطوة الصح، الحجاب مش مجرد لبس.. ده قرار من القلب، عهد بيني وبين ربنا، وراحة ما تتوصفش».
واختتمت قائلة: «ادعوا لي بالثبات ومحتاجة أماكن للبس حلو يساعدني على الخطوة دي».
