كارمن سليمان تحتفل بنجاح ألبومها الجديد «أصح غلطة»
كارمن سليمان تحتفل بنجاح ألبومها الجديد «أصح غلطة»
أعربت المطربة كارمن سليمان، عبر حسابها الرسمي على موقع تبادل الصور والفيديوهات «إنستجرام»، عن سعادتها بنجاح ألبومها الجديد الذي يحمل عنوان «أصح غلطة».
ونشرت كارمن سليمان البوسترات الدعائية للألبوم، معلقة: «الحمد لله، مبسوطة جدًا من كل ردود الأفعال على ألبوم "أصح غلطة".. الألبوم ده أنا استمتعت بيه قوي، وخد مني وقت ومجهود عشان يوصلكوا بالشكل اللي سمعتوه ده.. شكرًا لكل زملائي الشعراء والملحنين والموزعين ومهندسي الصوت والعازفين على كل جهودكم في إن الألبوم يطلع بالشكل العظيم ده. شكرًا لكل الناس اللي اشتغلت على تصوير الأغاني، وشكرًا لكل فريق عملي الخاص».
وأضافت كارمن سليمان: «شكرًا لزوجي حبيبي المنتج مصطفى جاد على كل حاجة قدمهالي في إنتاج الألبوم، عشان نطلع بالشكل اللي يرضينا والنتيجة الجميلة دي.. شكرًا لكل جمهوري في كل مكان على دعمكم ومحبتكم، وبيكم أنا كل يوم بحصد نجاح كل حاجة بعملها».
ألبوم «أصح غلطة»
يضم ألبوم «أصح غلطة» للمطربة كارمن سليمان 10 أغنيات متنوعة بين الطابع الدرامي والرومانسي، من بينها: «فيك حيل تكدب»، «الدنيا رايقة»، «صعبتها ع اللي بعدي»، «يا زعلانين»، «عمر تاني»، «طبطب عليا»، «إنت وبس»، «أناني إنت»، و«حب إيه يا حسرة».
