سعد الصغير بعد أزمة بوسي: «بعتذر لك قدام الناس كلها وإنت أحسن صوت شعبي»
سعد الصغير بعد أزمة بوسي: «بعتذر لك قدام الناس كلها وإنت أحسن صوت شعبي»
وجّه المطرب الشعبي سعد الصغير، رسالة مؤثرة للمطربة الشعبية بوسي، بعد انتهاء أزمتها وإخلاء سبيلها اليوم، بعد تقديم معارضات على أحكام قضائية صدرت ضدها، عقب القبض عليها أثناء وجودها بمطار القاهرة قبل سفرها إلى دبي، وأكد الصغير دعمه الكامل لها، واعتذاره عن أي إساءة أو سوء تفاهم حدث بينهما في السابق.
وقال سعد الصغير في تصريحات تلفزيونية: «أنا بعتذرلك قدام الناس كلها، لو كنت غلطت أو زعلتك، اعتبريها غلطة، وأنا اللي بقولك ده قدام الجميع، أنا ما قصدتش كنت أشهر بوالدك رحمه الله أو أعمل تريند، أنا فعلاً كنت بحاول أعمل خير».
الصغير: بوسي إنسانة طيبة ومحترمة
أضاف: «أنا بشهد قدام الكل إنك إنسانة طيبة ومحترمة، بوسي مش مجرد زميلة، دي أختي، واتربينا سوا، وبقولها دلوقتي من قلبي: إنتِ صوت مصر، وأحسن صوت شعبي، وده مش كلام جديد، أنا كنت بقول كده دايمًا حتى قبل أي خلاف، وأنا عمرى ما أفرح فيكي زي ما بيتقال من البعض».
سعد الصغير: انتهاء أزمة بوسي على خير
وقال الصغير: «الحمد لله ربنا عدى أزمة بوسي على خير وهي إنسانة طيبة تستاهل كل حاجة حلوة، وأنا كلمت ناس عشان أكون جنبك، ربنا يخليلك ابنك، ويرزقك راحة البال».
وأكد أنه سبب تعرف الفنانة بوسي على الملحن محمد عبد المنعم وتقديم أغنية «آه يا دينا» التي تركت بصمة كبيرة في مشوارها ومن أهم أغانيها، وكنت سببا في وجودك ونجاح الأغنية، لأن لولا الأغنية مكنش هيبقى في بوسي، وربنا جعلني سبب، إضافة إلى أنني كنت أحل مشاكلك دايما».
يُذكر أن العلاقة بين سعد الصغير وبوسي شهدت توترًا في الفترة الماضية، إلا أن رسالته الأخيرة جاءت لتفتح صفحة جديدة، وتعكس حرصه على إنهاء الخلافات، ودعمه لها في أزمتها.
