المخرج محمد سامي يشيد بفيلم سيكو سيكو
المخرج محمد سامي يشيد بفيلم سيكو سيكو
أشاد المخرج محمد سامي عبر حسابه الرسمي بموقع تبادل الفيديوهات والصور إنستجرام بفيلم سيكو سيكو بطولة طه دسوقي وعصام عمر.
وكتب محمد سامي قائلًا: اتفرجت على فيلم سيكو سيكو، عمر المهندس وعصام عمر مش معقول حلاوتهم، مبدئيًا عمر المهندس مخرج كبير وشاطر ولذيذ وإيقاعه يجنن، عنده قدرة رهيبة على التسلية والحكي الرشيق وتوجيه الممثلين.
وأضاف سامي قائلًا: بجد برافو على كل حاجة عمر عاملها في الفيلم، أما بقى عصام عمر، فأنا مؤمن إن شاء الله السنين اللي جاية بتاعته، هيكون من أهم نجوم السينما بلا منازع، مركز في كل تفصيلة وموهوب وذكي وقبوله رهيب وفارق جامد جدًا، وهو جوه كل مشهد بيعرف يدي طاقة تملي المشهد سعادة.
وتابع: كمان طاقته بتطول الممثلين اللي معاه في المشاهد، اتبسطت بكل لحظة في الفيلم وكمان طه الدسوقي ممثل شاطر جدًا وكوميديان هايل وتلقائي وممثل هايل، وباسم السمرة عبقري كالعادة، وكل الشباب اللي مع عمر المهندس وعصام عمر وطه الدسوقي في الفيلم هايلين وعاملين شغل حلو أوي، مبروك ليهم كلهم وإن شاء الله يكون ليهم مستقبل جميل.
أبطال فيلم سيكو سيكو
فيلم سيكو سيكو يشارك فيه عدد كبير من الفنانين من بينهم عصام عمر، طه دسوقي، سليمان عيد، تارا عماد، ديانا هشام، وعدد آخر من الفنانين، وهو من تأليف محمد الدباح وإخراج عمر المهندس.
