محمد رمضان يوجه رسالة لجمهوره قبل حفله بأمريكا: «دايما واقف في ضهري»
محمد رمضان يوجه رسالة لجمهوره قبل حفله بأمريكا: «دايما واقف في ضهري»
يستعد الفنان محمد رمضان لحفله الجديد خلال الفترة المقبلة، ونشر فيديو لتوثيق تحضيرات حفله المقبل على مسرح مادسون سكوير في أمريكا.
محمد رمضان يوجه رسالة لجمهوره قبل حفله بأمريكا
وكتب رمضان عبر حسابه الشخصي بموقع تبادل الصور والفيديوهات «إنستجرام»: «الفيديو ده لما اتعمل.. قولت لفريقي ثقة في الله هنزله لما جمهوري يكون اشترى 75% من تذاكر حفلة مادسون سكوير جاردن.. وكنت متوقع أنزل الفيديو ده في شهر ديسمبر قبل الحفلة بشهر».
وأضاف: «لكن الحمد لله ثقتي في ربنا دايمًا بتقصر المسافات.. وماكدبتش لما قولت (أنا جمهوري واقف في ضهري).. والله مبروك مش ليا مبروك لجمهوري اللي قدر يعرف الأمريكان قوته ووضعه على الكوكب».
محمد رمضان لجمهوره: هنخلي العالم يتكلم عربي
وتابع حديثه: «جمهوري اللي قدر بعد ربنا يوصل فنان مصري بيغني بالعربي إلى أشهر مسرح في العالم.. ويخلي الشرطة الأمريكية اللي تنظم له دخول الحفلة.. الحمد لله وبإذن الله طول ما أنتم في ضهري.. هنخلي العالم يتكلم عربي».
واختتم: «مكتوب في عقدي معاهم إن لو التذاكر خلصت قبل 30 أكتوبر ينقلونا أكبر أرينا.. زينا زي أكبر نجم عندهم.. ثقة في الله قدها».
